आरपि उपाध्याय / त्रिवेणी ,६ असार
पुर्वी नवलपरासी विनयी त्रिवेणी ७ को शिवपुरगढीमा आयोजित एक सर्वपक्षीय भेलासहितको अन्तरक्रिया कार्यक्रममा बोल्ने वक्ताहरूले त्रिवेणी क्षेत्रमा रहेका वडाहरुमा राज्यले कडा हेपाकाको प्रवृत्ति बढाएको बताएका छन।
उनीहरूले विनयी त्रिवेणी वडा न.६ र ७ का नागरिकलाई राज्यबाट दिइने नागरिकता,राहदानी,राष्ट्रिय परिचयपत्र र जग्गा सम्बन्धि कामको लागि जिल्ला मुख्यालय कावासोती धाउनपर्ने र सो कार्यको लागि दाउन्ने पहाड पार गरी जानुपर्ने बाध्यताको अन्त्य गरिनुपर्ने धारणा राखेका थिए।
अन्तरक्रिया कार्यक्रममा आफ्नो भनाइ राख्नेहरुले संविधान संशोधन गरेर भएपनि ती दुई वडालाई लुम्बिनी प्रदेशमा समावेश गर्ने माग राख्दै हालको सुस्ता गाउँपालिकामा त्रिवेणी क्षेत्रमा रहेको २ ओटा वडालाई समावेश गरी त्रिवेणी सुस्ता गाउँपालिका नामाकरण गर्न पनि सुझाव दिए।
नेपालको संविधानमा नवलपरासी बर्दघाट सुस्ता पुर्व र पश्चिम रहेकोमा विनयी त्रिवेणीको वडा न.६ र ७ लाई पुर्वी नवलपरासीबाट मुक्त गरी पश्चिम नवलपरासीमा समावेश गर्नुपर्ने माग राख्दै हाल देखापरेको कठिनाईको अन्त्य गरी नागरिकलाई न्याय गर्न नेपाल सरकार संग माग गरिएको थियो।
त्रिवेणीबाट जिल्ला मुख्यालय कावासोतीमा सेवासुविधा लिन ६५ किलोमिटरको दुरी पार गरी जानुपर्ने बाध्यात्मक अवस्थाको अन्त्य गर्न पनि उनीहरूले आफ्नो भनाइ राखेका थिए।
आफ्नो माग पूरा गर्न त्रिवेणीका नागरिकहरु अब चरणबद्ध आन्दोलन गर्ने तयारी पनि गर्दै जाने बताउदै पहिलो चरणमा वडा कार्यालय र गाउँपालिकामा ध्यानाकर्षणका लागि प्रतिनिधि मण्डल जाने तथा पालिकाको सिफारिस लिइ प्रदेश र संघीय सरकारको ध्यानाकर्षण गरिने पनि अन्तरक्रिया कार्यक्रममा बताइएको थियो।
दुई तिहाईको बहुमत लिइ बनेको वर्तमान सरकारले त्रिवेणी क्षेत्रका नागरिकको पीडा सम्बोधन गर्न पुर्वी नवलपरासी क्षेत्र न. २ का सांसद मनिष खनाल र पश्चिम नवलपरासी क्षेत्र न.१ का सांसद बिक्रम खनाललाई आफ्नो पीडा सुनिदिन आग्रह गर्ने बताउदै छिट्टै उल्लेखित सासदहरु संग प्रत्यक्ष भेटघाट सहित अन्तरक्रिया गर्ने तयारी भइरहेको पनि उनीहरूले जानकारी दिएका छन।
सो अवसरमा राज्य र राज्यबाट निर्देशित नियम,कानुन नागरिकको पक्षमा हुनुपर्नेमा त्रिवेणीको जनता सबै तिरबार ठगिएको हुँदा अब ठगिने कार्य सदाको लागि अन्त्य हुनुपर्ने माग पनि अन्तरक्रियामा उठेको थियो।
आफुहरुको माग सम्बोधन गर्नका लागि विनयी त्रिवेणी वडा न.६ र ७ का वडा अध्यक्ष सहित छिट्टै एक प्रतिनिधि मण्डल पालिका मुख्यालय दुम्किबास र जिल्ला मुख्यालय कावासोती प्रदेश र संघीय सरकार समक्ष प्रतिनिधि मण्डल जाने तयारी भइरहेको पनि जानकारीमा आएको छ।
पीडित नागरिकहरु आफ्नो माग पूरा नभए बर्दघाट स्थित पुर्व पश्चिम राजमार्ग बन्द गर्ने तथा काठमाडौं स्थित माइतीघर मण्डलामा अनशन गर्ने जानकारी पनि प्राप्त भएको छ।
अन्तरक्रिया कार्यक्रममा वडा न.६ को वडा अध्यक्ष नुरेन्द्र शाह,वडा न.७ का वडा अध्यक्ष उमेश कार्की, नागरिक अगुवाहरु निरन्जन थापा,भेषराज खनाल,प्रकाश कुवर,वीर बहादुर ठकुरी, राजकुमार जैसी,ज्ञान बहादुर,धिरज थापा,दिपक कुवर,शोभा क्षेत्री,गोपाल पाठक,विश्वमर्दन शाह सहित दुई दर्जन व्यक्तिहरुले आफ्नो धारणा सहित सुझाव दिएका थिए।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
