रुपन्देही,२० माघ रुपन्देहीको ओमसतिया गाउँपालिका–४ बसन्तपुरमा विद्यार्थी सवार बस दुर्घटना हुँदा १० जनाभन्दा बढी विद्यार्थी घाइते भएका छन् । घाइतेमध्ये केहीको अवस्था गम्भीर रहेको जनाइएको छ । परासीतर्फबाट विद्यार्थी बोकेर फर्किँदै गरेको लु १ ख ८६७५ नम्बरको बस आज बिहान करिब साढे ५ बजेतिर बसन्तपुरस्थित टोल गेट नजिक ट्याक्टरसँग ठोक्किँदा दुर्घटना भएको हो । दुर्घटनामा घाइते भएका सबै विद्यार्थीलाई उपचारका लागि भैरहवा मेडिकल कलेजमा भर्ना गरिएको ओमसतिया गाउँपालिका अध्यक्ष मन्जित कुमार यादवले जानकारी दिए । अस्पतालमै रहेका अध्यक्ष यादवका अनुसार केही विद्यार्थीको टाउकोमा चोट लागेको छ भने उनीहरूको उपचार जारी छ । दुर्घटनाको कारण र अन्य विवरणबारे थप अनुसन्धान भइरहेको प्रहरीले जनाएको छ । घटनासम्बन्धी थप विवरण आउन बाँकी छ । राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
