राष्ट्रिय दैनिक / नवलपरासी ,१ मंसिर नेपाल नेत्रज्योति संघअन्तर्गत डा. विनोद–निता कण्डेल आँखा अस्पताल र पाल्हिनन्दन गाउँपालिका–वडा नं. १ बीच आर्थिक वर्ष २०८२/८३ का लागि गरिब, विपन्न र अशक्त नागरिकलाई निःशुल्क मोतियाबिन्दु शल्यक्रिया सेवा उपलब्ध गराउने सम्झौता सम्पन्न भएको छ। यो सम्झौता स्थानीय बासिन्दामाझ आँखा स्वास्थ्यप्रति जागरूकता बढाउने तथा सस्तो, सहज र प्रभावकारी सेवा पहुँच पुर्याउने महत्त्वपूर्ण पहलका रूपमा हेरिएको छ। सम्झौतामा वडा नं. १ का वडा अध्यक्ष चुल्हई प्रसाद यादव र प्रमुख प्रशासकीय अधिकृत दिनेश गौड उपस्थित रहेर सेवा कार्यक्रम सञ्चालनमा आवश्यक समन्वय र सहयोग गर्ने प्रतिबद्धता प्रकट गरेका थिए। कार्यक्रमबाट वडाका आर्थिक रूपमा कमजोर तथा उपचार पहुँचविहीन नागरिकलाई जीवन–परिवर्तनकारी स्वास्थ्य सेवा उपलब्ध हुने अपेक्षा गरिएको छ। राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
