काठमाडौं । नेपाल सम्वत् ११४६ नयाँ वर्षको अवसरमा आयोजना गरिएको चियापान तथा छलफल कार्यक्रम नेपा ब्याङ्क्वेटमा सम्पन्न भएको छ। कार्यक्रममा प्रमुख अतिथि सहरी विकास मन्त्री कुल मान घिसिङ तथा कार्यक्रममा भूमि अधिकार संरक्षण समिति तथा विभिन्न स्ववासी समुदायका प्रतिनिधिहरूको सहभागिता थियो। साे कार्यक्रमको मुख्य उद्देश्य सरकारले विकासको नाममा पुर्ख्यौली भूमिमा हस्तक्षेप गरेको विरोध गर्नु तथा विगत दसौं शताब्दीदेखि बसोबास गर्दै आएका नेवार समुदाय तथा भूमि–विहीन नागरिकको समस्या सम्बोधन गर्न सरकारलाई ध्यानाकर्षण गर्नु रहेको थियो। सहभागीहरूले “हाम्रो भूमि माथि हाम्रो अधिकार” भन्ने नारासहित तत्काल अन्यायपूर्ण खोला मापदण्डहरू खारेज गर्न माग गरे। वक्ताहरूले आदिवासी जनजातिले आफ्नो पुर्ख्यौली भूमि, पहिचान र जीवनयापनको अधिकार पाएन भने ठूलो सामाजिक असन्तुलन र सांस्कृतिक विनाश हुन सक्ने भन्दै राज्यले अविलम्ब सुनुवाइ गर्नुपर्नेमा जोड दिए। कार्यक्रमको अन्त्यमा भूमि–विहीन र उपेक्षित समुदायको समस्यालाई सरकार, सरोकारवाला निकाय तथा अन्तर्राष्ट्रिय मंचसम्म पुर्याइने प्रतिबद्धता गरिएको थियो। राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
