काठमाडौँ,३१ असाेज । नेपाली राष्ट्रिय क्रिकेट टोलीेले आईसीसी टी–ट्वान्टी विश्वकप एसिया र इस्ट एसिया छनोटको ट्रफी जितेको छ । शुक्रबार भएको आफ्नो अन्तिम खेलमा सामोआलाई १२४ रनको फराकिलो अन्तरले हराउँदै ट्रफी जितेको हो । अल इमिरेट्स मैदानमा नेपालले दिएको २१२ रनको लक्ष्य पछ्याएको सामोआले निर्धारित ओभरमा ७ विकेट गुमाउँदै ८७ रन बनायो । सामोआका लागि सेन सोलियाले सर्वाधिक ३८ रनको योगदान गरे । त्यस्तै कप्तान काबेल जस्मतले ९ रन बनाउँदा बेन्जामिन मिल्टाले ११ रनको योगदान गरे । नेपालका लागि ललित नारायण राजवंशीले सर्वाधिक तीन विकेट लिए । त्यस्तै करण केसी, कप्तान रोहित कुमार पौडेल र सन्दीप लामिछानेले एक एक विकेट लिए । यसअघि टस हारेर पहिले ब्याटिङ गरेको नेपालले निर्धारित २० ओभरमा ४ विकेट गुमाउँदै २११ रन बनाएको थियो । नेपालका लागि आसिफले ४१ बलमा ७ चौका र ४ छक्काको सहयोगमा ६९ रनको अर्धशतकीय पारी खेले । त्यस्तै दीपेन्द्रले ३३ बलमा २ चौका र ४ छक्काको सहयोगमा ५३ रनकको अर्धशतकीय आअरी खेले । नेपालका लोकेश बमले ३९ रन बनाउदा कप्तान रोहित कुमार पौडेलले २१ रनको योगदान गरे । सामोआका लागि डेनियल बुर्ग्स, सामुनी ताइ, दारिस भिसुर्स र नोह मेडले एक एक विकेट लिए । राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
