काठमाडौं ,१९ असाेज भारतको मध्य प्रदेशको छिंदवाडा जिल्लामा कफ सिरप सेवनका कारण ११ बालबालिकाको मृत्यु भएपछि औषधि उत्पादक कम्पनी र चिकित्सकविरुद्ध मुद्दा दायर गरिएको छ। छिंदवाडा प्रहरीले सरकारी बाल रोग विशेषज्ञ डा. प्रवीण सोनी, तमिलनाडुस्थित श्रीसन फार्मास्युटिकल्स कम्पनीका सञ्चालकहरू र अन्य जिम्मेवार व्यक्तिहरूविरुद्ध एफआईआर दर्ता गरेको हो। जिल्ला प्रशासनका अनुसार मृत्यु भएका ११ मध्ये १० बालबालिका परासिया ब्लकका बासिन्दा थिए, जहाँ डा. सोनी कार्यरत थिए। अगस्टदेखि सेप्टेम्बरसम्म रुघाखोकी र ज्वरोका कारण स्वास्थ्य केन्द्रमा आएका बालबालिकालाई उनले ‘कोल्ड्रिफ’ नामक कफ सिरप सहितको औषधि दिएका थिए। तर सिरप सेवनपछि बालबालिकामा पिसाब रोकिने, अनुहार सुन्निने, बान्ता हुने जस्ता लक्षण देखिए र अन्ततः धेरैको मृगौला फेल भयो। नागपुरमा उपचारका क्रममा १० बालबालिकाको मृत्यु भएको र अन्तिम मृत्यु ४ अक्टोबरमा दुई वर्षीया योगिता ठाकरेको भएको बताइएको छ। मध्य प्रदेश सरकारले तमिलनाडु सरकारलाई पत्र लेखी औषधि निर्मातामाथि अनुसन्धानको माग गरेको थियो। त्यसपछि तमिलनाडु औषधि नियन्त्रण विभागले श्रीसन फार्मास्युटिकल्सद्वारा निर्मित ‘कोल्ड्रिफ’ सिरपमा डाइथिलिन ग्लाइकोल (DEG) नामक विषालु रसायन ४८.६ प्रतिशत मात्रामा रहेको पुष्टि गरेको हो। स्वास्थ्य विज्ञ डा. हर्षिता शर्माका अनुसार, “डाइथिलिन ग्लाइकोल सामान्यतया शीतलकको रूपमा प्रयोग गरिन्छ र बालबालिकाका लागि अत्यन्त घातक हुन्छ।” सिरपमा यस्तो विषाक्त रसायन पाइएको र त्यसैलाई बालबालिकामा प्रयोग गरिनु गम्भीर लापरवाही मानिँदैछ। प्रहरीले घटनालाई अपराधिक निष्क्रियता र घातक औषधि वितरण अन्तर्गत अनुसन्धान अघि बढाएको छ। सरकारले उक्त सिरप बजारबाट फिर्ता (recall) गर्ने प्रक्रिया सुरु गरेको छ र देशभर औषधिको गुणस्तर जाँच कडा बनाइने बताइएको छ। राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
