नवलपरासी/ १९ चैत।
पश्चिम नवलपरासीको पाल्हीनन्दन गाउँपालिका १ बड्की सुनरी पर्ने प्रस्ताविक भुताहा महेशपुर बस पार्कको जग्गा अतिक्रमण गरी घर बनाउने लागेकोमा पालिका अध्यक्षको नेतृत्वको टोलीले कडा एक्सनमा उत्रिएको छ।
साविक रमपुरवा गाविस वार्ड ८ क कित्ता नं ११४५ मा घर बनाउन लागेको राकेश शर्माले बस पार्कको सार्वजनिक जग्गाको १० फिट समेत अतिक्रमण गरी घर बनाउन लागेको हुनाले आज पालिका अध्यक्ष बैजु प्रसाद गुप्ताको नेतृत्वको टोलीले खाली गराएको छ।
पालिका अध्यक्ष गुप्ताका अनुसार ” उक्त व्यक्तिले आफ्नो जग्गा सँगै सार्वजनिक जग्गा समेत अतिक्रमण गरी घर बनाउन लागेको बेला देखि नै पटक पटक नगर प्रहरी पठाई काम रोक्न निर्देशन दिइएको हो तर निजले अटेरी गरे पछि आज खाली गराउन जेसीबी चलाउन बाध्य भएको बताए। उनले भने निजले आफै भत्काउन एक हप्ताको समय माग गरेका छन्। अब हामी एक हप्ता कुर्छौ। नभए फेरि जेसीबी लगाउने बताए ।
त्यस्तै प्रमुख प्रशासकीय अधिकृत बृज किशोर प्रसादले अब पालिकाले आफ्नो क्षेत्र भित्रका सबै सार्वजनिक जग्गा पहिचान गरी अतिक्रमणमा परे खाली गराउँदै जाने बताए।
उक्त ठाउँमा पालिका अध्यक्ष सँगै प्रमुख प्रशासकीय अधिकृत, वार्ड नं १ का वडा अध्यक्ष चुलाहि प्रसाद यादव, २ नं वडा अध्यक्ष जगदीश प्रसाद गुप्ता , कार्यपालिका सदस्य छोटेलाल पासवान, ईलाका प्रहरी कार्यालय महेशपुरका इन्स्पेक्टर सहितको टोली, नगर प्रहरी लगाएतको टोली उपस्थित रहेको थियो।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
