धर्मेन्द्र कुमार कुर्मी (चौधरी)/ कपिलवस्तु ,१७ फागुन
कपिलवस्तुकाे विजयनगर गाउँपालिकामा दाेस्राे अध्यक्ष कप प्रतियोगिता सुरु भएको छ । वडा नम्बर ४ मा रहेको शंकरपुर खेल मैदानमा अध्यक्ष कप प्रतियोगिता सुरु भएको छ। ‘स्वास्थ्यकाे लागि खेलकुद, राष्ट्रका लागि खेलकुद’ भन्ने मूलनाराका साथ अध्यक्ष कप सञ्चालन गरिएको हो। गाउँपालिका अध्यक्ष गाेपाल बहादुर थापा मगरले शनिबार अध्यक्ष कपकाे प्रतियोगिताकाे उद्घाटन गरेका हुन् ।
कार्यक्रममा बाेल्दै गाउँपालिका अध्यक्ष गाेपाल बहादुर थापाले शिक्षासँगै खेलकुदलाई प्राथमिकतामा राखेकाे बताएका छन् । अध्यक्ष कपले युवालाई खेलप्रति आकर्षण बढाएको उनले बताए । वडागत रुपमा सहभागी गराई प्रतियोगिता सञ्चालन गरिएको बताउँदै स्थानीय खेलाडी उत्पादनमा अध्यक्ष कपले महत्त्वपूर्ण भूमिका खेल्ने उनकाे भनाइ छ । समग्र गाउँपालिकाकाे पहिचानसँगै खेलकाे क्षेत्रमा विकास हुने अध्यक्ष थापाले बताए ।
यस्तै गाउँपालिका प्रमुख प्रशासकीय अधिकृत शाेभाराम रिजालले खेललाई मर्यादित बनाउनुपर्नेमा जाेड दिए । खेलकाे नियम, पद्धति र विधिमा रही खेललाई अगाडी बढाउँदै लैजानुपर्ने बताउँदै साैेहार्दपूर्ण वातावरण बनाउन खेल व्यवस्थापन समिति र सहभागी खेलाडीलाई उनले आग्रह गरे ।
यसैगरी शिक्षा शाखा प्रमुख हरिहर बेल्बासेले अध्यक्ष कप प्रतियोगितामा फुटबल, भलिबल र क्रिकेट खेल खेलाइने जानकारी दिए । प्रतियोगितामा वडागत रुपमा खेलाडी सहभागी भएको बताउँदै शनिबारदेखि सुरु भएको अध्यक्ष कप २० गते सम्पन्न हुने उनले बताए ।
कार्यक्रममा २ का वडा अध्यक्ष नेपाल चाैधरीकाे शुभकामना मन्तव्य र शिक्षक जीवलाल भुषालकाे सञ्चालनमा अध्यक्ष कप सुरु भएको थियोे ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
