पोखरा । पोखरा भ्रमण वर्ष २०२५ को घोषणा समारोहमा उडाउने बेलुनमा हावा भर्ने व्यक्तिलाई नियन्त्रणमा लिएर अनुसन्धान गरिरहेको छ ।
पक्राउ पर्नेमा भारतीय नागरिक ४१ वर्षीय कमलेस कुमार छन् ।
कुमारलाई घटनालगत्तै पक्राउ गरी अनुसन्धान प्रक्रिया अघि बढाएको प्रहरीले जनाएको छ ।
घटनाका सम्बन्धमा विस्तृत अनुसन्धान भइरहेको र कुमारसँग बयान लिने काम भइरहेको प्रहरीले जनाएको छ ।
हाइड्रोजन ग्यास भरिएका बेलुन उडाउन लाग्दा इलेक्ट्रिक क्यान्डिलबाट निस्किएको झिल्काले टिप्दा विस्फोट भएको थियो ।
सोक्रममा आगोको लप्काले टिप्दा उपप्रधान एवं अर्थमन्त्री विष्णुप्रसाद पौडेल र पोखराका मेयर धनराज आचार्य घाइते भएका थिए ।
अर्थमन्त्री पौडेल उपचारपछि अस्पतालबाट डिस्चार्ज भइसकेका छन् भने मेयर आचार्यको उपचार जारी छ ।
घटनाको भोलिपल्ट गृहमन्त्री रमेश लेखकले कास्कीका प्रमुख जिल्ला अधिकारी भरतमणि पाण्डेको संयोजकत्वमा छानबिन समिति गठन गरेका थिए ।
समितिलाई घटनाको विस्तृत अध्ययन गरी १५ दिनभित्र प्रतिवेदन पेस गर्न भनिएको छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
