काठमाडौँ । सरकारी अस्पतालहरूमा डेंगु संक्रमणका बिरामीको निःशुल्क उपचार हुने भएको छ । स्वास्थ्य तथा जनसंख्या मन्त्रालयले सरकारी अस्पतालहरूमा डेंगु संक्रमणका बिरामीको निःशुल्क उपचारको व्यवस्था मिलाउने जनाएको हो ।
स्वास्थ्य तथा जनसंख्या मन्त्री प्रदीप पौडेलको उपस्थितिमा मंगलबार भएको छलफलमा अनुसार डेंगु संक्रमणका बिरामीहरूको निःशुल्क उपचारको व्यवस्था मिलाउने निर्णय भएको हो । पछिल्लो तथ्यांक अनुसार देशभर २ हजार ३६५ जनामा डेंगु संक्रमण पुष्टि भइसकेको छ । यसमध्ये तनहुँमा एक ५० वर्षीया दीर्घरोगी पुरुषको मृत्यु भएको छ ।
हालको तथ्यांक हेर्दा अघिल्लो वर्षको तुलनामा बिरामीहरूको संख्यामा वृद्धि नभएता पनि जोखिम कायम रहेको मन्त्रालयले जनाएको छ । मन्त्रालय मातहतका विभाग, महाशाखा तथा केन्द्रहरू मार्फत डेंगुको अवस्थाको निरन्तर निगरानी र पूर्वतयारी तथा प्रतिकार्यका गतिविधिहरू सञ्चालन भइरहेको मन्त्रालयले दाबी गरेको छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
