कपिलवस्तु, फागुन, २७
कपिलवस्तु टाइम्सका सम्पादक अंकुश श्रीवास्तव माथी कृष्णनगर नगरपालिका वडा नं ९ का वडाध्यक्ष सतिश कुमार हरिजन(सतिश निगम) संग ५० हजार रूपया मागेको घटना प्रति गम्भीर ध्यानाकर्षण भएको प्रेस विज्ञप्ति मार्फत जनाएको छ l
प्रेस विज्ञप्तिमा भनिएको छ नेपाल पत्रकार महासंघ कपिलवस्तुका साधारण सदस्य तथा कपिलवस्तु टाइम्सका सम्पादक अंकुश कुमार श्रीवात्सवलाई बुटवल टुडे राष्ट्रिय दैनिक र अनलाइनमा फागुन १४ गते प्रकाशन भएको ‘नागरिकताको सिफारिस लिन वडामा घुस’ शीर्षकको समाचार आफ्नो अनलाइनमा साभार गरे पछि कृष्णनगर नगरपालिका ९ नम्बर वडाका अध्यक्ष सतिश कुमार हरिजन (सतिश निगम) ले चरित्र हत्या गर्ने उद्देश्यले अनर्गल आरोप लगाउँदै फेसबुकमा शुक्रवारको दिन पोष्ट गरेको भिडियो प्रति हाम्रो गम्भीर ध्यानाकर्षण भएको छ ।
उक्त भिडियोमा वडा अध्यक्ष सतिश हरिजनले घटनालाई तोडमोड गर्ने उद्देश्यले श्रीवास्तवले न्युजको नाममा ५० हजार मागेको र पत्रकार माथि भ्रम फैलाउने उद्देश्यले अन्यले १ लाख मागेको जस्ता तथ्यहीन आरोप लगाउँदै पत्रकार माथि नै लाञ्छना लगाउने काम गरेकोले त्यस्ता गलत काम प्रति माफी माग्दै तत्काल बन्द गर्न आग्रह गर्दछौ ।
मिडियामा प्रकाशित सामाग्री चित्त नबुझे प्रेस काउन्सिलमा उजुरी दिने कानुनी व्यवस्था भए पनि जनप्रतिनिधि जस्तो जिम्मेवार व्यक्तिले कानुन पालना नगरी आधार बिना गम्भीर आरोप लगाउँदै चरित्र हत्या गर्न भिडियो बनाएर सामाजिक सञ्जालमा पोष्ट गर्नु प्रचलित कानुन अनुसार साइवर अपराध मानिने भएकोले संविधानले सुनिश्चित गरेको प्रेसको अधिकार र स्वतन्त्रताको सम्मान गर्न र आगामी दिनमा यस्ता घटना हुन नदिन सम्बन्धित निकायको ध्यानाकर्षण समेत गराइएको छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
