नवलपरासी , १५ फागुन।
पश्चिम नवलपरासी रामग्राम नगरपालिका वडा नम्बर १ कित्ता न ७२ मा रहेको बिवादित जग्गा नवलपरासी जिल्ला अदालतमा विचाराधीन भएकै अवस्थाममा अवैध रुख कटानी गरिएको पाइएको छ। उक्त जग्गा हाल रामग्राम नगरपालिका अन्तर्गत वडा न. १ वडा कार्यलय नजिक रहको र रामग्राम नगरपालिकाको रेकर्ड अनुसार परासी १ ख अन्तर्गत ( साविकको कित्ता न ६०,११४ यसैगरी जिल्ला नापी कार्यालय नवलपरासीको रेकर्ड अनुसार हाल कित्ता न. ७२ रहेको छ।
यद्यपी उक्त जग्गाको खिचलो मेटाई पाउं भन्ने माग दावी सहित हाल जिल्ला अदालतमा २०७७ साल फागुन १४ गते मुद्दा परेपछि अदालतमा जग्गाको विवाद हाल बिचाराधिन अवस्थामा रहेको देखिन्छ । हाल रामग्राम नगरपालिका वडा नं २ का निवासी शारदा श्रेष्ठ र तारादेवी श्रेष्ठले आफुहरु संग रहेका प्रमाणका आधारमा उक्त जग्गा बर्षौदेखी आफ्नो परिवारले जोतभोग गदैै आएको र सोही अनुसार आवश्यक कर बुझाउदै आफुरुले छोडपत्र बापत हस्तान्तरण लिएको भन्दै न्यायका लागी अदालतमा पुगेका छन् ।
दस्तावेज अनुसार साविक तत्कालीन परासी गाउंपन्चायत वडा नं २ सण्डा को कित्ता न . ६० को क्षेत्रफल १२ कठ्ठा जग्गा भुमीसुधार टोलीको तर्फबाट तत्कालीन २०२३ साल भदौ २ गते स्थानिय रामचरण दासको नाममा जोताहाको अस्थायी निस्सा प्राप्त भएको थियो ।
पछि नियमानुसार मिती २०५७ साल साउ २७ गते तत्कालीन अवस्थामा रामग्राम नगरपालिकाले निमानुसार ४ प्रतिशत शुल्क रु ३० हजार ५ सय २० रुपैया राजश्व रकम लिएर छोडपत्र बापत उक्त जग्गा जग्गाको लगतका आधारमा शारदा श्रेष्ठ र तारादेवी श्रेष्ठको नाममा जग्गा हस्तान्तरण गरेको देखिन्छ । नापी कार्यालय नवलपरासीको पछिल्लो प्रतिलिपी अनुसार २०७६ साल असोज २ गतेको रकर्ड अनुसार उक्त जग्गालाई हालको परासी १ ख अन्तर्गत कित्ता नं ७२ कामय गरिएको देखिन्छ । २०५७ साल साउन २५ गते रामग्राम नगरपालिकाबाट उक्त जग्गाको कुल ७ लाख ६३ हजार रुपैया मुल्य कायम गरि उक्त मुख्यको ४ प्रतिशत राजश्व रकम स्वरुप शुल्क रु ३० हजार ५ सय २० रुपैया नगरपालिकाले रकम लिएर उक्त जग्गा तत्कालीन रामचरण दासको नामबाट शारदा श्रेष्ठ र तारादेवी श्रेष्ठको संयुक्त नाममा छोडपत्र बापत हस्तान्तरण भएको देखिन्छ । 
आवश्यक प्रमाणका आधारमा शारदा श्रेष्ठ र तारादेवी श्रेष्ठको संयुक्त नाममा रामग्राम नगरपालिकाले आर्थिक बर्ष २०७७÷०७८ सम्म जोतभोगको आधारमा नगरपालिकाले उक्त जग्गाको परासी १ ख अन्तर्गत कित्ता नं ७२ कायम गरी राजश्व अथवा कर समेत लिदै आएको देखिन्छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
