परासी । पश्चिम नवलपरासीको सदरमुकाम परासी रामग्राम – ४ बैरिहवा पालिका नजिकै रहेको हिलेरियस चिल्ड्रेन एकेडेमी बोर्डिङ स्कुलमा पढाउने एक शिक्षकले बिद्यार्थीलाई पिट्दा कानको जाली फुटेको छ । उक्त स्कुलमा अध्यनरत १२ बर्षिय छात्र निखिल कोहार कक्षा ५ मा पढ्ने बिद्यार्थी हुन ।
घट्ना गत साउन १९ गतेका दिनको हो । बिद्यार्थीले होमवर्क नगरेको निहुँमा शिक्षकले निखिललाई कुटेको हो । शिक्षक अस्लम सिद्धिकीले बिद्यार्थी कोहारलाई कक्षामा होहल्ला गरेको होमवोर्क नगरेको आरोपमा बालकको कानमा जोड्ले चार झापत हानेको पीडित बालक संग पढ्ने बिद्यार्थीहरुले बताए । घट्ना घटेको महिनौ दिन पुग्न लाग्दासम्म पनि बिद्यालयका प्रशासनले पीडित विद्यार्थीको उपचारमा चासो नदेखाएपछि घट्ना बाहिरिएको हो ।
घट्ना घटेको दिनमा बच्चा स्कुलबाट घर अबेरसम्म नआएपछि पीडित विद्यार्थीका बुवा आफै स्कुल जादा बालकको कानबाट रगत बगिरहेको र ज्वरोले कामिरहेको अवस्था देखेपछि, सोधपुछ गर्दा शिक्षकले कुटेको खुलेको हो । त्यस पस्चात बालकलाई स्थानिय एसके मेडिकलमा गएर सामान्य उपचार गराएर घरमा ल्याएका थिए । तर, पीडित बालकले दुखाई सहन नसक्ने भएपछि पुनः परासीस्थित शिवम मेडिकल हलमा लगेर चेकजाँच गर्दा कानको जाली फुटेको डाक्टरले पुष्टि गरेका थिए । सो पश्चात् बिद्यालयले उपचार गर्ने आश्वसन दिएका थिए ।
बिद्यालयको आश्वसनमा रहदा पीडित बालकको स्वास्थमा दैनिक समस्या बढेपछि बालकको अबिभावकले अप्रेसनको लागि बुटवलस्थित तिनाउ इन्टरनेशन अस्पतालमा पुन: भदौ ७ गते बिहान भर्ना गरि अप्रेसन गरेको थियो । सो अवधीसम्म बिद्यालयका प्रधानाध्यापक जनार्दन ठाकुरले केही वास्त नगरेपछि पीडित बालका अबिभावकहरुले अस्पतालमा रहेका बिरामीका कुरुवाहरुसंग पीडितको बारेमा कुरा गर्दा सो कुरुवाहरुले मिडियालाई कल गरि जानकारी गराएका थिए ।
मिडियाकर्मीहरुले बिद्यालयका प्रधानाध्यापक ठाकुरलाई कल गरि घट्नाको बास्ताबिक्ता बुझ्दा गल्तीको महसुस नगरी कानुनको बारेमा उल्टो पत्रकार र पीडित बालकका अबिभावकलाई सिकाउन प्रयास गरे । अभिभावकले बालकको अप्रेसनको दिन पटकपटक बिद्यालयको प्रधानाध्यापकलाई सम्पर्क गर्दा सम्पर्कमा नआउने भएपछि पीडित बालकलाई भदौं ८ गते अस्पतालबाट डिस्चार्ज गरि घरमा ल्याईएको थियो ।
पीडितका अबिभावक घरमा बालकलाई लिएर आईसके पछि प्रधानाध्यापक साझ घरमा भेट्न आएका थिए । सो समयमा पनि ठाकुरलाई आफ्नो बिद्यालयको गल्तिको महसुस भएको थिएन । तर, ठाकुरले अप्रेसनको खर्च मात्र ब्यहोर्ने भन्दै ४२ हजार रुपियाँ पीडित बालकको बुवाको खातामा पठाई घट्ना बाहिर नल्याउन चेतावनी दिएका छन ।
बिद्यालयका प्रधानध्यापक ठाकुरले ती बालकलाई मात्र नभई सयौं जना बिद्यार्थीलाई कुटेको छ र अझै पनि कुट्छु भनेर स्थानिय अबिभावक, गाउँका समाजसेवी र पत्रकारको अगाडि छाती खुलाएर भनेका थिए । ठाकुरले स्कुलमा बच्चालाई पिटने, गाली गर्ने, तर्साउने र परीक्षा भन्दा अगाडि अबिभावकले शुल्क नतिर्दा बिद्यार्थीहरु माथि ढुङ्गा राखेर शारीरिक यातना दिइएको बिद्यार्थीहरुले बताएका छन । केही महिना अगाडि सो बिद्यालयका शिक्षकले जितपुर, केरवानीका एकबच्चालाई पिटेर शरीर भरि निलडाम हुने गरि पिटेको पनि बाहिर आएको थियो ।
घटना बाहिरिएपछि बिद्यालयका प्रधानाध्यापक ठाकुरले पीडित बालक र आफन्तका बच्चाहरुलाई बिद्यालयमा पढ्न नपठाउन अबिभावकलाई जानकारी दिएको छ । पीडित बालकको अबिभावक बच्चाको पढाइ र भबिश्य माथि चिन्तित छन । यो समयमा अब कुन स्कुलमा लगेर पढाउने ? शैक्षिक शत्रको छ महिना बितिसकेको अबस्थामा अन्य बिद्यालयले बच्चाहरुको भर्ना लिन्छ कि लिदैन भनेर बच्चाहरुको पढाईको बारेमा चिन्तित भएका छन ।
उक्त बिद्यालयमा बच्चा पढाउने अबिभावकहरुले आफ्नो बाबुनानीहरुमाथि पनि यस्तो किसिमको यातना भएको छकि छैन, बुझ्नसमेत अबिभावकहरुलाई अपिल गरेका छन । उक्त बिद्यालयमाथि कार्बाहीको लागि सम्बन्धित निकायको ध्यानाकर्षणसमेत गरेका छन
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
