उत्तमकुमार थापा
नेपाल कम्युनिष्ट पार्टी(एमाले) बझाङको ८ औं जिल्ला अधिवेशनबाट जिल्ला अध्यक्ष पदमा दमन भण्डारी निर्विरोध चयन भएका छन् ।
शनिबार भएको निर्वाचन प्रकृयामा एकल उम्मेदवारी परेपछि भण्डारी निर्विरोध निर्वाचित भएका हुन् । भण्डारी अघिल्लो कार्यकालमा समेत अध्यक्ष रहेका थिए । भण्डारी कानुन व्यवसायी समेत हुन् ।
अधिवेशनमा सचिवमा नयन बोहरा, लोकेन्द्र हिलारी, लोकेन्द्र बहादुर सिंह (एलवी) र आनन्दलाल विक गरी ४ जनाको उम्मेदवारी परेको छ । उपाध्यक्षमा मोहनराज जोशी र विरेन्द्र बहादुर खड्का गरी २ जनाको उम्मेदवारी परेको छ ।
यस्तै उपसचिवमा भागरथी देवी सिंह, लाल बहादुर विष्ट, जुना जाग्री, घुरन बहादुर बोहरा र भुवनेश्वर उपाध्याय गरी ५ जनाको उम्मेदवारी परेको छ ।
खुल्ला सदस्य १४ जनाका लागि ३४ जनाको उम्मेदवारी परेको छ । ८ जना खुल्ला महिला सदस्यका लागि १० जनाको उम्मेदवारी परेको नेकपा एमाले जिल्ला निर्वाचन समितिका निर्वाचन अधिकृत दिनेश धामीले बताए ।
अधिवेशनमा अहिले उम्मेदवारको नाम संसोधन, फिर्ता तथा दाबी विरोधको गर्ने काम भईरहेको छ । अध्यक्ष जस्तै अन्य पदका लागि पनि सर्वसम्मत गराउने प्रयास जारी रहेको बताइएको छ ।
सर्वसम्मत नभए केही समयपछि निर्वाचनका लागि मतदान प्रकृया थालिने तयारी भएको समेत निर्वाचन अधिकृत धामीको भनाई छ । बुधबारबाट सुरु भएको अधिवेशनका लागि ८ सय ९५ जना प्रतिनिधि सहभागी भएका छन् ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
