भारतीय अभिनेता सुशान्त सिंह राजपुत मृत्यु प्रकरणमा नयाँ-नयाँ कुरा बाहिर आइरहेका छन्। मृत्यु भएको ४ महिनाभन्दा बढी समयपछि भारतका एक सांसदले सुशान्तले आत्महत्या गरेको नभई उनको हत्या भएको दाबी गरेका हुन्। भारतीय जनता पार्टी (भाजपा) बाट सांसद नारायण राणेले भनेका छन्, ‘सुशान्तले आत्महत्या गरेका होइनन्, उनको हत्या भएको हाे। त्यस बखत सुशान्तका घरमा एक जना मन्त्रीसमेत थिए।’ भारतीय पत्रिका दैनिक भास्करका अनुसार सुशान्त मृत्यु प्रकरणमा महाराष्ट्र मन्त्रिमण्डलका एक जना मन्त्री जेल जान सक्ने दाबी उनले गरेका छन्। उनले अगाडि भनेका छन्, ‘मसँग प्रमाण छन् र जुन म सीबीआई (केन्द्रीय अनुसन्धान ब्युरो) लाई मात्र दिन्छु।’ एक न्युज च्यानललाई अन्तर्वार्ता दिँदै सांसद राणेले घटना भएको रात केही मान्छे सुशान्तको घर पुगेको दाबी गरेका छन्। अभिनेता सुशान्त गत जुन १४ तारिख आफ्नै निवासमा पंखामा झुन्डिएको अवस्थामा मृत फेला परेका थिए। सुरुमा प्रहरीले यसलाई आत्महत्या भने पनि सुशान्तका बुबाले शंका गर्दै उजुरी दिएपछि मुम्बई तथा बिहार प्रहरी, सीबीआई, एनसीबी (लागुऔषध घटना अनुसन्धान गर्ने निकाय) लगायत विभिन्न निकायले अनुसन्धान गरिरहेका छन्। यस क्रममा सुशान्तकै प्रेमिका रिया चक्रवर्तीलगायत धेरै जनासँग प्रहरीले बयान लिइसकेको छ। कतिपय तारिखमा छुटेका छन् भने कतिपय पक्राउ पर्ने क्रम जारी छ। राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
