जनकपुरधाम ,८ असाेज
धनुषामा २०८३ भदौ महिनाका लागि प्रहरी वरिष्ठ नायव निरीक्षक सन्तोष गोले ‘महिनाको उत्कृष्ट प्रहरी’ घोषित भएका छन् ।
मधेश प्रदेश प्रहरी कार्यालयका अनुसार ‘महिनाको उत्कृष्ट प्रहरी छनोट कार्यविधि – २०८३’ बमोजिम प्रहरी चौकी गिद्वा तिनकौरियामा कार्यरत वरिष्ठ सई गोलेलाई भदौ महिनाको “BesT Province Police Of The Month” घोषणा गरिएको हो ।
वरिष्ठ सई गोलेले भदौ महिनामा चोरी तथा अवैध हतियारसम्बन्धी घटनाको अनुसन्धान र नियन्त्रणमा सक्रिय भूमिका निर्वाह गरेका थिए । उनको कार्यक्षेत्रमा भएका विभिन्न घटनामा संलग्न व्यक्तिलाई पक्राउ गरी कानुनी दायरामा ल्याउन तथा अवैध हतियार बरामद गर्न महत्वपूर्ण भूमिका खेलेको मधेश प्रहरी कार्यालयले जनाएको छ ।
प्रहरी संगठनको नीति निर्देशनअनुसार जिम्मेवारीप्रति अनुशासित, लगनशील, इमानदार र कर्तव्यनिष्ठ रही उत्कृष्ट कार्यसम्पादन गरेको मूल्यांकनका आधारमा वरिष्ठ सई गोलेलाई भदौ महिनाको उत्कृष्ट प्रहरी छनोट गरिएको मधेश प्रदेश प्रहरी कार्यालयले जनाएको छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
