राष्ट्रिय दैनिक / नवलपरासी ,७ फागुन
समानुपातिकतर्फको प्रतिस्पर्धा चर्किंदै जाँदा नेपाली कांग्रेस की एकल महिला र नवलपरासी–२ बाट समानुपातिक उम्मेदवार सुनिता श्रेष्ठले चुनावी मैदानमा सशक्त उपस्थिति जनाएकी छन्।
महिला नेतृत्व, समावेशी प्रतिनिधित्व र सामाजिक न्यायका मुद्दालाई केन्द्रमा राख्दै श्रेष्ठले मतदातामाझ फरक सन्देश प्रवाह गरिरहेकी छन्।
चुनावी भेटघाट तथा अन्तरक्रियाका क्रममा उनले समानुपातिक प्रणालीलाई लोकतन्त्रको मेरुदण्डको रूपमा व्याख्या गर्दै संसदमा पुगेपछि महिला, युवा, दलित तथा पछाडि पारिएका समुदायको आवाज बुलन्द बनाउने प्रतिबद्धता जनाइन्। “समानुपातिक प्रतिनिधित्व केवल सीट संख्या होइन, यो पहिचान र अवसरको सवाल हो,” श्रेष्ठले कार्यक्रममा स्पष्ट पारिन्।
श्रेष्ठले पार्टीभित्र नेतृत्व परिवर्तन र नयाँ पुस्ताको सक्रियतालाई सकारात्मक संकेतका रूपमा प्रस्तुत गर्दै कांग्रेस अब परिणाममुखी राजनीति गर्न प्रतिबद्ध रहेको दाबी गरिन्। सुशासन, पारदर्शिता र दिगो विकासलाई प्राथमिकतामा राख्दै उनले मतदातासँग सहकार्यको आह्वान समेत गरिन्।
स्थानीय तहदेखि राष्ट्रिय राजनीतिसम्म महिलाको अर्थपूर्ण सहभागिता आवश्यक रहेको उल्लेख गर्दै श्रेष्ठले नीति निर्माण तहमा लैंगिक समानता सुनिश्चित गर्ने प्रतिबद्धता दोहोर्याइन्। एकल महिला उम्मेदवारको रूपमा उनले संसदमा पुगेर समानुपातिक प्रतिनिधित्वमार्फत महिलाको अधिकार, सामाजिक सुरक्षा र अवसर सुनिश्चित गर्ने लक्ष्य राखेकी छन्।
चुनावी अभियानमा उनको सक्रियता र स्पष्ट एजेण्डाका कारण समानुपातिकतर्फ कांग्रेसप्रति मतदाताको आकर्षण बढ्दो देखिएको छ। सुनिता श्रेष्ठको उम्मेदवारीले कांग्रेस अभियानमा नयाँ ऊर्जा थपेको विश्लेषकहरूको भनाइ छ। अब मतदाताले दिने जनमतले उनको राजनीतिक यात्राको आगामी दिशा तय गर्नेछ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
