काठमाडौँ ,२८ माघ । आज प्रणय दिवस सप्ताह अन्तर्गत पाँचौँ दिन हो । हरेक वर्ष फेब्रुअरी ११ मा ‘प्रमिस डे’ मनाइन्छ ।
यो दिन आफ्नो पार्टनरलाई आफ्नो मायाप्रति धेरैभन्दा धेरै विश्वासिलो बनाउनका लागि सँगै बाच्ने सँगै मर्ने जस्ता कसमहरू खाने गरिन्छ ।
प्रेममा डुबेका जोडीहरूले एक अर्काप्रतिको सम्बन्धलाई सधैँ प्यारो बनाइ राख्न बाचा गर्ने गर्दछन् ।
प्रत्येक सम्बन्धमा भरोसा र वचनको ठूलो भूमिका हुन्छ । कुनै पनि सम्बन्ध मजबुत बनाउनका लागि साँचो मनले गरिएको वाचा निभाउनु आवश्यक छ । त्यसैले, यो दिन प्रेमी/प्रेमिकाले मात्र नभएर साथीभाइ तथा परिवारले पनि एकअर्कालाई साथ दिने वाचा गर्छन् ।
प्रमिस डे मा गरिने केही वाचाहरू जसले सम्बन्ध सुमधुर बनाउँछ :
‘म सधैँ तिम्रो साथ दिन्छु।’ – तिमीलाई कहिल्यै एक्लो महसुस हुन दिने छैन ।
‘तिमीलाई माया गर्न कहिल्यै रोक्दिन ।’– माया सधैँ गहिरिँदै जानेछ ।
‘म जहिले पनि तिमीप्रति इमानदार र वफादार रहनेछु।’ – विश्वास कहिल्यै तोड्दिन ।
‘हामी खुसी रहनको लागि सँगै मिहिनेत गर्नेछौँ ।’ – समस्या आए पनि सँगै समाधान खोज्नेछौँ ।
‘म जहिले पनि तिमीलाई बुझ्ने प्रयास गर्नेछु।’ – तिम्रा भावनालाई महत्त्व दिनेछु ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
