वीरगंज १८ फाल्गुन
जिल्ला प्रहरी कार्यालय पर्साले जुवा खेलिरहेको ३ जनालाई नियन्त्रणमा लिएको छ।
पर्साको बहुदरमाई नगरपालिका वडा नम्बर १ विश्रामपुरमा जुवा खेलिरहेका ३ जनालाई पर्सा प्रहरीले पक्राउ गरेको छ। जुवा खेलिरहेको सूचना पाएको आधारमा प्रहरीले छापा मार्दा १५ जना फरार भएको र बाँकी ३ जना पक्राउ परेको पर्सा प्रहरीले जनाएको छ।
पक्राउ पर्नेमा सोही नगरपालिका वडा नम्बर ९ बस्ने ४० वर्षीय गुरदेली साह, बाराको कलैया २३ बस्ने वर्ष ५२ का बहादुर साह र कलैया १४ का वर्ष ४० का राजेश मेहता रहेको पर्सा प्रहरी उपरीक्षक पाण्डेले जनाएको छ।
जुवाको खालबाट १ लाख ७६ हजार नगद र एक बुक तास पनि भेटिएको पर्साका प्रहरी प्रमुख पाण्डेले बताए। सो विषयमा थप अनुसन्धान प्रकृया अगाडि बढाइएको प्रहरीले जनाएको छ।
फरार रहेका व्यक्तिहरुको पहिचान भइसकेकोले उनीहरुको खोजी कार्य भइरहेको जनाइएको छ। गाउँको नजिकै रहने बाँसघारी तथा फुलबारी बगैचामा जुवा तास खेलाउने र खेल्ने काम भइरहेको स्थानीयले बताएका छन्।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
