राष्ट्रिय दैनिक / नवलपरासी,२० माघ श्री श्री १०८ श्री रामललाको प्राणप्रतिष्ठा पूजाका तयारी अन्तर्गत सरावल गाउँपालिका वडा नं. ७ मा व्यापक सरसफाइ कार्यक्रम सम्पन्न भएको छ। सरावल गाउँपालिका वडा नम्बर ७ वडा अध्यक्ष हेयात खाँ धुनियाको अगुवाइमा, सशस्त्र प्रहरी, नेपाल प्रहरी र स्थानीय समितिका पदाधिकारीहरूको संयुक्त पहलमा सरसफाइ कार्यक्रम सम्पन्न भएको हो। कार्यक्रमले पूजाको वातावरण स्वच्छ र सुरक्षित बनाउने लक्ष्य राखेको थियो। यस अवसरमा स्थानीय बासिन्दा, प्रहरी तथा समिति सदस्यहरूले सडक, पर्खाल, मन्दिर वरिपरि र अन्य सार्वजनिक स्थलहरूको सरसफाइमा सक्रिय सहभागिता जनाएका थिए। पूजा आरम्भ माघ २१ गते, बुधवार नगरपरिक्रमा वा जलाधिवास, फलाधिवास, अन्नाधिवास माघ २२ गते बिहिवार मूर्तिस्थापना, प्राण प्रतिष्ठा, हवने पूर्णाहुति र प्रसाद वितरण माघ २३ गते शुक्रवार हुने मन्दिर अध्यक्ष बिरेन्द्र यादवले बताउनुभयो । यज्ञ आर्चाय पं. सुशील चन्द्र उपाध्यायले गर्नुे मन्दिर अध्यक्ष यादवले बताउनुभयो । कार्यक्रममा स्थानीय समुदाय,अध्यक्ष विरेन्द्र यादव र श्री बर्दघाटे कालिका मन्दिर संरक्षण संस्था सहित समस्त ग्राम वा क्षेत्रवासीको सक्रिय सहभागिता रहने अपेक्षा गरिएको छ। राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
