सुरेश यादव / नवलपरासी ,२९ जेठ
पश्चिम नवलपरासीको बर्दघाट नगरपालिका-१४ गङ्गाबस्तीस्थित अन्नपूर्ण पोल्ट्री फर्ममा आगलागी भएको छ।
गएराति करिब ७ बजेको समयमा भएको आगलागीमा परी फर्ममा रहेका ५ हजार ७ सय वटा कुखुरा जलेर नष्ट भएको जिल्ला प्रहरी कार्यालयका सुचना अधिकारी एवम प्रहरी नायब उपरिक्षक (डीएसपी) वीरदत्त पन्तले बताएका छन् ।
आगलागीबाट प्यारेन्ट प्रजातिका ४ हजार ५ सय साना चल्ला र लेयर्स प्रजातिका १ हजार दुई सय ठूला चल्ला जलेर मरेका छन्। आगलागीबाट १० लाख बराबरको क्षति भएको अनुमान गरिएको छ भने फर्मको भौतिक संरचनामा समेत क्षति पुगेको छ।
आगलागीको घटना बर्दघाट नगरपालिकाको दमकल र स्थानीय बासिन्दाहरुको रोहबरमा नियन्त्रणमा लिइएको हो।पोल्टी फर्ममा विद्युत सर्ट भई आगलागी भएको हुन सक्ने प्रहरीले जनाएको छ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
