काठमाडौँ ,१४ बैशाख । आज वैशाख कृष्ण पक्ष औंसीको दिन, नेपालभर माता तीर्थ औंसी अर्थात् आमाको मुख हेर्ने पर्व श्रद्धा र भक्तिपूर्वक मनाइँदैछ। प्रत्येक वर्ष यो विशेष दिनलाई जन्मदात्री आमाप्रति कृतज्ञता प्रकट गर्ने अवसरको रूपमा मनाउने गरिन्छ।
यस दिन सन्तानहरूले आमा प्रति आफ्नो प्रेम, आदर र सम्मान व्यक्त गर्दै मिठा परिकार, फलफूल तथा विभिन्न उपहारहरू प्रदान गर्छन्। जीवनभर निःस्वार्थ माया र त्याग गर्ने आमालाई श्रद्धापूर्वक सम्मान गर्ने यो पर्व विशेष महत्व बोकेको छ।
आमा सृष्टिको आधार हुन्। नौ महिनासम्म गर्भमा धारण गरी सन्तान जन्माउने आमाको योगदान शब्दमा व्यक्त गर्न कठिन हुन्छ। आमाको भूमिका बिना संसारको अस्तित्व नै असम्भवजस्तै देखिन्छ। त्यसैले आमालाई सम्मान गर्ने यो दिन विशेष गरी नेपाली समाजमा गहिरो महत्व राख्दछ।
यस दिन विशेषगरी मानिसहरू आमासँग भेट गरी आशीर्वाद लिन्छन्, मिठा परिकार बनाएर आमालाई खुवाउँछन्। जो कसैको आमा जीवित छैनन्, उनीहरूले माता तीर्थमा गई दिवंगत आमाको सम्झनामा तर्पण, श्राद्ध तथा पूजा–अर्चना गर्ने चलन पनि रहेको छ।
माता तीर्थ औंसी सँग सम्बन्धित अर्को विशेष पक्ष भनेको जीवनभर आमाले दिएका शिक्षालाई सम्झेर आफूभित्र जिम्मेवारी, करुणा र सहिष्णुताको विकास गर्नु हो।
आजको दिन सम्पूर्ण आमाहरूका लागि कृतज्ञता प्रकट गर्ने अवसर हो। आमाको स्नेह, माया र त्यागप्रति हाम्रो हार्दिक नमन छ।
सम्पूर्ण आमाहरूप्रति हार्दिक श्रद्धा, सम्मान र प्रेम। माता तीर्थ औंसीको शुभकामना!
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
