पश्चिम नवलपरासीको सुनवल नगरपालिकाका प्रमुख भिम बहादुर थापाले दुई विद्यार्थीको उच्च शिक्षाको जिम्मेवारी लिएका छन्।
आर्थिक अवस्था कमजोर भएपछी उच्च शिक्षा हासील गर्न नसक्ने अवस्थामा पुगेका वडा नम्बर २ का पप्पु हरिजन र सुकदेव हरिजनको उच्च शिक्षाको लागि आवश्यक आर्थिक सहयोग गरेका हुन्।
आर्थिक अवस्था कमजोर हुदा अध्ययन छाडेर रोजगारीको खोजिमा रहेका उनीहरुलाई पहिलो वर्षको अध्ययन खर्च स्वरुप ५१ हजार ९ सय ६० रुपैया लुम्विनी माध्यमिक विद्यालयलाई हस्तान्तरण गरेका छन् ।
‘अध्ययनमा रुचि हुदाहुदै आर्थिक कारणले विद्यम्लय छाड्न लागेको थाहा पाएपछी मैले उनीहरुको लागि स्तानकोत्तर सम्मको जिम्मा लिएको छु । ’नगर प्रमुख थापाले भने,‘अध्ययनबाट कोही पनि विमुख हुन नपरोस भन्ने मेरो मान्यता हो । ’ बाध्यताले अध्ययन छाड्नुपर्ने अवस्थामा पुगेको थिए , अहिले नै कामको खोजिमा हिड्दा सामान्य मजदुरी गर्नुपर्ने अवस्था आउन सक्दथ्यो ।
’सुकदेव हरिजनले भने,‘अव राम्रोसंग अध्ययन गरेर सरकराी सेवामा प्रवेश गर्ने लक्ष्य छ ।’ सरकारी सुविधा उपभोग नगर्ने घोषणा गरेका सुनवल नगरपालिकाका प्रमुख थापाले आफुले पाउदै आएको तलब भत्ता वृद्धवृद्धा, असाहाय, विरामी र सामाजिक काममा खर्च गर्दै आएका छन् । अहिले सम्म प्राप्त सबै सुविधा थापाले सामाजिक काममा सहयोग गरेका छन् ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
