विनोद मण्डल/ सिरहा ,५ असोज
सिरहाको धनगढीमाई नगरपालिकामा ४२ औं विश्व शान्ति दिवस “शान्तिको संस्कृति, विकास गरौं” भन्ने मूल नाराका साथ भव्य रूपमा मनाइएको छ ।
दिवसको अवसरमा नगरपालिकामा र्यालीसहित दीप प्रज्वलन गर्दै शान्तिको सन्देश प्रवाह गरिएको थियो । हरेक वर्ष सेप्टेम्बर २१ मा मनाइने विश्व शान्ति दिवस 1982 देखि सुरु गरिएको हो, जसको प्रस्ताव संयुक्त राष्ट्रसंघ महासभाले 1981 मा पारित गरेको थियो ।
धनगढीमाईको रेडक्रस सोसाइटी, ईलाका प्रहरी कार्यालय, नागरिक इकाई समिति, महावीर ग्रामीण ऋण तथा बचत सहकारी संस्था र साझा विकास केन्द्र धनगढीमाईको सहकार्यमा शान्ति र्यालीको आयोजना गरिएको थियो ।
ईलाका प्रहरी कार्यालय अगाडिबाट सुरु भएको र्याली बजार परिक्रमा गर्दै रेडक्रस सोसाइटी धनगढीका पदाधिकारी गंगाराम यादवको अध्यक्षतामा कोण सभामा परिणत भएको थियो ।
कार्यक्रममा बौद्धिक व्यक्तित्व दुर्गा खड्काले शान्ति मानव जीवनको आधार भएको र यसैका लागि सबैको सहयोग आवश्यक रहेको बताए । सहभागी अमर कुमार योञ्जनले शान्ति बिना समाजको विकास सम्भव नहुने कुरा उल्लेख गरे ।
धनगढीमाई नगरपालिकामा मनाइएको यस दिवसमा विभिन्न संघसंस्थाको सहयोग रहेको थियो भने कार्यक्रमको उद्घोषण जनक मोतेले गरेका थिए । कार्यक्रमको विशेष पहल संजय चौधरीले गरेका थिए ।
नेपालमा २०६५ सालदेखि विश्व शान्ति दिवस औपचारिक रूपमा मनाउने प्रचलन सुरु भएको हो ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
