काठमाडौं ,६ भाद्र। राजस्व छली गर्नेहरुलाई कानुनी दायरामा ल्याएर राजस्व छली रोक्ने राजस्व अनुसन्धान विभाग नेतृत्व विहीन भएको छ।
यस्तै कालोधनलाई सेतो बनाउनेहरु माथि छानबिन गर्ने अर्को महत्वपूर्ण निकाय सम्पति शुद्धीकरण अनुसन्धान विभाग पनि नेतृत्वविहीन बनाइएको छ।
राजस्व अनुसन्धान विभागका महानिर्देशक चक्र बहादुर बुढा र सम्पत्ति शुद्धीकरण अनुसन्धान विभागका महानिर्देशक कमलप्रसाद भट्ट्राई दुबैको सरुवा गरिएको झण्डै एक हप्ता सम्म पनि प्रधानमन्त्री तथा मन्त्रिपरिषद् कार्यालयले ती दुवै निकायमा नयाँ महानिर्देशक पठाउन नसकेको हो।
महानिर्देशक विहीन बनाइएका दुबै निकाय प्रधानमन्त्री कार्यालय मातहत रहेको छ। प्रधानमन्त्री तथा मन्त्रिपरिषद् मातहत रहेको विभागलाई नै लामो समयसम्म नेतृत्वविहीन राखिएको भन्दै प्रधानमन्त्री कार्यालयको आलोचना हुदै आएको छ।
ती दुवै विभागहरु नेतृत्वविहीन भएपछि विभागले कुनै काम गर्न सकेको छैन् । दैनिक नियमित प्रशासनिकबाहेक विभागमा कुनै पनि छानबिन तथा अनुसन्धानको काम हुन नसकेको विभागकै कर्मचारीहरुले बताएका छन् । नेपाल समाचारपत्रबाट
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
