राष्ट्रिय दैनिक / नवलपरासी ,३ कार्तिक
पश्चिम नवलपरासीको सरावल गाउँपालिका गर्भावति, सुत्केरी महिलाहरुलाई किटनासक झुल बितरण गरिएको छ।
नेपाल रेडक्रस साेसाईटी बालपुरी उपशाखाकाे आयाेजना तथा नेपाल रेडक्रस साेसाईटी जिल्ला शाखा नवलपरासी र सरावल गाउँपालिकाकाे सहयाेगमा तिलकपुर, तिलाैलि, पटनी र ललितपुर टाेलका ६० जना गर्भावति र सुत्केरी महिलाहरुलाई किटनासक झुल बिरतण गरिएको हाे ।
बालपुरी उपशाखाकाे सभापति सन्जय माैर्यकाे अध्यक्षता तथा सरावल गाउँपालिका अध्यक्ष सुखाडी प्रसाद चाैधरीकाे प्रमुख आतिथ्यतामा एक कार्यक्रम बिच ६० जनालाई झुल वितरण गरिएको हाे।
नेपालमा डेंगु महामारीको रुपमा फैलिरहेकोले गर्भावति, सुत्केरी महिलाहरु उच्च जाेखिममा रहेको कारण वहाँहरुकाे स्वास्थ्यकाे ख्याल गर्दै झुल वितरण गरेको पालिका अध्यक्ष सुखाडी प्रसाद चाैधरीले बताउनुभयो । वहाँका अनुसार सुत्केरी भएका महिला र शिशुहरुको लागी पालिकाले विभिन्न कार्यक्रम गर्दै आइरहेको र अघिल्ला दिनहरुमा पनि यस्ता कार्यक्रमलाई निरन्तरता दिदै जाने बताउनुभयो ।
झुल बितरण कार्यक्रममा सरावल ४ वडा अध्यक्ष सुरेश यादव,वडा नम्बर १ वडा अध्यक्ष बिष्णु भट्टराई लगाएतकाे सहभागीता रहेको उपशाखाकाे सभापति माैर्यले जानकारी दिनुभएको हाे।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
