वीरगंज २७ श्रावण
पर्सा प्रहरीले प्रतिबन्धित लागूऔषध सहित ५ जनालाई पक्राउ गरेको छ।
प्रहरीले छुट्टाछुट्टै ठाऊबाट ठुलो मात्रामा प्रतिबन्धित लागूऔषध सहित ३ जना भारतीय र २ जना नेपाली नागरिक गरि ५ जनालाई नियन्त्रणमा लिएको हो।
जिल्ला प्रहरी कार्यालय पर्साको मातहत रहेका प्रहरी चौकी ईनार्वाका प्रमुख एवम बरिस्ठ प्रहरी नायब निरीक्षक संतोष केसीको कमान्डमा खटिएको प्रहरी टोलीले भारतबाट वीरगंज तर्फ ३ जना संकास्पदरुपमा हिडि आउदै गरेको अवस्थामा रोकी चेकजाँच गर्दा प्रतिबन्धित लागू औषध ४७९ एम्पुल, फेनारगन ४७९ र नुरफिन ४८० एम्पुल सहित ३ जनालाई पक्राउ गरेको पर्सा प्रहरी प्रमुख एवम प्रहरी उपरीक्षक कोमल शाहले जानकारी दिनुभयो।
त्यसैगरि पर्साको स्वर्णपुर वर्णमाला स्कुल नजिक सडकखण्डमा प्रहरी चौकी स्वर्णपुर र प्रहरी चौकी महादेव पर्टीबाट संयुक्त रुपमा खटिएको प्रहरी टोलीले भारतबाट नेपाल तर्फ आउदै गरेको २ जना शंकास्पद ब्यकीलाई रोकी चेकजाँच गर्दा ती व्यक्तिहरुले बोकेको कपडाको झोलाबाट प्रतिबन्धित लागू औषध NITRAVET-10 लेखिएको NITRAZEPAM TABLETS २० पत्तामा प्रति पत्ता १५ का दरले ३००(तिन सय) र १ पत्तामा १४ गरी जम्मा ३१४ पिस ट्याव्लेट फेला परेको र १६ बर्षीय किशोरले लगाएको लेदर जस्तो देखिने कालो ज्याकेटको दाहिने गोजीमा कालो प्लाष्टिकको पोकामा बेरिएको अवस्थामा लागू औषध गाँजा जस्तो देखिने अं. ५० ग्रांम सहित नियन्त्रणमा लिएको प्रहरी उपरीक्षक शाहले बताउनुभयो ।
पक्राउ पर्नेमा भारत विहार जि.मोतिहारी ग्राम रामगढवा बस्ने वर्ष ४० को हेमताज आलम, वर्ष २० को अजित कुमार मलाह, ऐ.ऐ.बस्ने वर्ष २० को ईमतिहान आलम र पर्सा ठोरी गा.पा.वडा नं.३ बस्ने वर्ष १९ को सचिन सहितलाई लागूऔषध कसूरमा मुद्दा चलाएको पर्साका एसपी शाहले बताए।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
