वीरगंज १० असार
पर्साकोे जगरनाथपुर गाउँपालिकामा आज हुन लागेको गाउँ सभा गाउँ कार्यपालिका बाहिर गर्न लागिएको भन्दै स्थानीयले बिरोध गरेका छन् । सो गाउँपालिकाको गाउँ कार्यपालिकाको भवन हुँदा हुँदै अन्य ठाउँमा गाउँ सभा गर्न लागिएको भन्दै स्थानीय बासिन्दाले त्यसको बिरोध गरेका हुन् ।
जनगरनाथपुर गाउँपालिकाले आर्थिक वर्ष २०८०÷०८१ नीति तथा कार्यक्रम र बजेट प्रस्तृत गर्न श्री ने.रा.मा.वि. संठीको विद्यालय प्राङ्गणमा आईतबार ११ बजेदेखी गाउँ सभाको लागि तयारी गरेको छ । जसका लागि गाउँपालिका कार्यालयबाट टेबल, कुर्सी लगायतका ट्याक्टरमा सामान लोड गरि लगिरहेको अवस्थामा स्थानीयले सो सामानसहितको ट्याक्टर नियन्त्रणमा लिई बिरोध गरेका छन् ।
गाउँपालिका अध्यक्ष र प्रमुख प्रशासकीय अधिकृतको मिलेमतोमा विभिन्न योजनाहरुमा व्यापक अनियमितता भएको र सूचना मांग गर्दा समेत नदिने गरेको नेकपा एमाले जगरनाथपुर गाउँपालिका कमिटीका प्रतिनधि महमद मन्सुरीको आरोप छ । उनले जनताको समस्या, मुद्दा र आवश्यकतालाई नसमेटि गोप्य रुपमा आफू अनुकुल नीति तथा कार्यक्रम ल्याउन लागिएको आरोप लगाए । तर गाउँपालिकाले भने असार १ गते एक सूचना नै जारी गरि गाउँ सभाको बैंठकमा उपस्थित हुन सम्पूर्ण स्थानीयलाई आग्रह गरेको छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
