महेश सिंह सिरहा लहान ४ असार – सिरहा जिल्लाको बरियारपट्टी गाउँपालिकामा एक दिने नि:शुल्क स्वास्थ्य शिवीर हुने भएको छ । श्री जनता माध्यमिक बिद्यालय बरियारपट्टी-०३ को प्राङ्गणमा असार ४ गते शनिबारको दिन बिहानको ८:०० बजे देखि बेलुका ५:०० बजे सम्म संचालन हुनेछ ।
श्री लक्ष्मण सिंह कृषी सहकारी संस्था लि. तथा नेपाल क्यान्सर फाउन्डेसनको आयोजना र बि एण्ड सि मेडीकल कलेज शिक्षण अस्पताल बिर्तामोड तथा पुर्वाञ्चल क्यान्सर हस्पिटलको प्राविधिक सहयोगमा हुन लागेको बरियारपट्टी गाउँपालिका वडा नम्बर ०३ का वडा अध्यक्ष बिनोद कुमार यादवले बताए ।
स्थानिय वासीलाई केहि लाभहोस भन्ने उदेश्यले स्वास्थ्य शिविर आयोजना गरीएको श्री लक्ष्मण सिंह कृषी सहकारी संस्था लि. का अध्यक्ष अजय कुमार यादवले हिपमत डटकमलाई बताए । ‘गरीब, दलित, अति विपिन्न, असाहय तथा आर्थिक अभावले उपचार गराउन नसकेका रोगीहरुको लागि उपयोगी हुने’ यादवले बताए । सथै यस नि:शुल्क शिविरबाट सबैलाई लाभ लिनको लागि आग्रह समेत गरेका छन् । यादव नेकपा माओवादी केन्द्रबाट बरियारपट्टी गाउँपालिका अध्यक्ष पदका प्रत्यासी हुन् ।
स्वास्थ्य शिविरमा फिजिसियन विशेषज्ञ, स्त्री रोग विशेषज्ञ, नाक, कान, घाँटी विशेषज्ञ, मुटु रोग विशेषज्ञ, हार्डजोर्नी विशेषज्ञ, क्यान्सर रोग विशेषज्ञ, बाल रोग विशेषज्ञ, रेडियोलोजी, बिकिरण चिकित्साविज्ञान विशेषज्ञ सहितको टोलीको उपस्थिती रहने बि एण्ड सि मेडीकल कलेज शिक्षण अस्पतालका डाइरेक्टर डा बिरेन्द्र यादवले बताए ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
