वीरगञ्ज, १७ बैशाख ।
मधेश प्रदेशका मुख्यमन्त्री लालबाबु राउत र सांसद प्रदीप यादवले वीरगञ्ज हेल्थ केयरमा भएको आगलागीको स्थलगत निरीक्षण गरेका छन् ।
मुख्यमन्त्री राउत, पर्सा क्षेत्र नम्बर १ का प्रतिनीधि सभा सदस्य यादवसहितको टोलीले अस्पतालमा आगलागीबाट भएको क्षतिको स्थलगत निरीक्षण गरेको हो ।
वीरगञ्ज महानगरपालिका वडा नम्बर १४ बहुअरीस्थित हेल्थ केयरमा शुक्रवार राति आगलागि भएको थियो ।
आगलागीबाट अस्पतालमा भौतिक क्षति हुनुका साथै डायलासिस कक्ष पूर्ण रुपले जलेर नष्ट हुँदा करोडौ मूल्य बराबरको क्षति भएको छ ।
आगलागीपछि डायलासिसका बिरामीहरुलाई नारायणी अस्पतालमा व्यवस्थापन गर्न सांसद यादवले अस्पतालका निमित्त मेडिकल सुपरिटेण्डेण्ट डा. बिरेन्द्र बहादुर प्रधानलाई निर्देशन दिएका छन् ।
अस्पतालमा भएको आगलागीको घटनाप्रति दुःख व्यक्त गर्दै अस्पतालले प्रवाह गर्दै आएको सेवा ता सुविधाको बारेमा स्मरण गरेका थिए । कोरोना भाइरसको महामारीमा पनि अस्पतालले महत्वपुर्ण भूमिका निर्वाह गरेको बताउँदै यादवले छिटै पुनः डायलासिस सेवा सुचारु गराउन सहयोग गर्ने पनि सांसद यादवको भनाई छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
