महेश सिंह सिरहा लहान ३ बैशाख – पछिल्लो स्थानीय तहको निर्वाचनमा औरही गाउँपालिका वडा नं-१ को नेकपा एमाले पार्टीबाट वडा अध्यक्षको प्रत्याशी उम्मेदवार कुशे सिंह र वडा कमिटी अध्यक्ष विशेश्वर सिंह माओवादीमा प्रवेश गरेका छन्।औरही गाउँपालिकाका अध्यक्ष तथा माओवादीको युवा नेता सिद्धार्थ यादवले उनीहरूलाई विधिवत माओवादी पार्टीमा प्रवेश गराएका छन् । उनीहरूले माओवादीमा प्रवेश गरेपछि वडा नं-१ मा नेकपा एमालेको संगठन शुन्यमा झरेका छन् ।
औरही गाउँपालिकाको स्थानीय चुनावमा अध्यक्ष पदमा निर्वाचित भएपछि नेता यादवले अन्य पार्टीहरूबाट कैयन नेताकार्यकर्तालाई माओवादी केन्द्रमा प्रवेश गराइ सकेका छन् । जसको कारणले आसन्न स्थानीय तहको चुनावमा फेरि पनि माओवादीबाट यादव नै निर्वाचित हुने आँकलन गरिएको छ ।
औरही गाउँपालिकाको कमान सम्हालेपछी नेता यादवको पहलमा औरही गाउँपालिकामा प्राथमिक स्वास्थ्य केन्द्रलाई १५ शैय्याको अस्पतालमा परिणत गर्न कम्मर कसेका थिए । जसको कारण जग्गा खरिद प्रक्रियामा गइसकेको र केही दिनमा नै दक्षिणी भेगका जनताहरुलेले विशेषज्ञ डाक्टरहरुको सेवा गाउँमा नै पाउनेछन् ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
