काठमाण्डौ ÷ नेपाल वाहीर बस्ने नेपालीहरुको सवैभन्दा ठुलो र महत्वपुर्ण छाता संगठन गैरआवासीय नेपाली सङ्घ (एनआरएनए)को निर्वाचन नजिकिँदै जाँदा नेतृत्व लिन आकाङ्क्षी उम्मेदवार चुनावी दौडधुपमा लागेका छन् ।
आगामी अक्टोबरमा हुने १०औँ महाधिवेशनलाई लक्षित गरेर उम्मेदवारले आ आफ्नो पदको घोषणा गरी चुनाव प्रचारप्रसार व्यापक बनाउदै गएका हुन् । यसै सन्दर्भमा एनआरएनए अमेरिकाका पुर्व अध्यक्ष डा. केशव पौडेलले आशन्न महाधिवेशनमा एनआरएनएको महासचिव पदमा उम्मेदवारी दिने तयारी गर्नुभएको हो ।
एनआरएनएको महासचिव पद महत्वपूर्ण जिम्मेवारी हो । गैरआवासीय नेपाली संघ (एनआरएन)मा सबैभन्दा बढी सदस्य रहेको च्याप्टर अमेरिका नै हो । सबैमाझ लोकिप्रिय र नम्र स्वभावका डा. पौडेल संस्थागत बिकासका लागी यस पटक आफु महासचि पदमा उम्मेदवारी दिने तयारी गरेको बताउनुहुन्छ ।
उहाँले संस्थाको पद्दति र पारदर्शीता सहितको एनआरएनए बनाउने एजेण्डा स्थापीत गर्न यस पटकको महाधिबेशनमा महासचिव पदमा आफूले उम्मेदवारी दिन लागेको डा.पौडेलले जानकारी दिनुभयो । नेपालमा गैरआवासीय नेपालीहरुले लगानी गर्न ईच्छुक रहेकोले यद्यपी सरकारले लगानीमैत्री वातावरण सृजना गर्न गनुपर्ने डा. पौडेलको निष्कर्ष छ ।
तनहु जिल्ला ब्यास नगरपालीका ९ स्थायी घर भएका उहाँ बिगत १७ वर्षदेखि अमेरिकामा चिकित्सा क्षेत्रमा संलग्न भई बसोबास गर्दै आउनुभएको छ । सन् २०१३ देखि एनआरएनएमा आवद्ध उहाँले यस अगाबै २०१३–२०१५ सम्म एनआरएनए अमेरिकाको सल्लाहकार, यसैगरी २०१५–२०१७ र २०१७–२०१९ सम्म निरन्तर दुई कार्यकाल एनआरएनए अमेरिकाको अध्यक्ष र सन् २०१९–२०२१ सम्म एनआरएनए अमेरिकाको प्रमुख संरक्षकको भुमीका निर्वाह गरिसक्नुभएको छ ।
डा. पौडेलले यस पटक एनआरएनए संस्थागत शुसासन र पारिदर्शीतालाई मुख्य प्राथमिकतामा राखेर मतदाताको सामु प्रस्तुत हुनुभएको छ । अमेरिकामा सक्रिय चिकित्सक पेशमा संलग्न डा. पौडेलले नेपालमा समेत ग्रिनसिट अस्पताल मार्फत चिकित्सा क्षेत्र आवद्ध हुनुहुन्छ । डा. पौडेल चिकित्सा क्षेत्र अन्तर्गत बिशेष गरी ईन्टरनल मेडिसीन बिज्ञको रुपमा परिचित हुनुहुन्छ ।
डा. पौडेलले वर्तमान् अवस्थामा कोभिड –१९ को उपचार र रोकथामका लागी एनआरएनए अमेरिकाको सहजीकरणमा करोडौ मुल्य वरावरको आवश्यक स्वास्थ्य सामाग्री नेपाल सरकारलाई उपलब्ध गराउन नेतृत्वदायी भुमीका निर्वाह गर्नुभयो । डा. पौडेलको अमेरिकामा चिकित्सा साथ साथै होटल व्यवसायको क्षेत्रमा समेत लगानी छ ।
तत्कालीन अवस्थामा डा. पौडेल एनआरएन अमेरिकाको अध्यक्ष रहदा नेपालमा २०६२ सालमा भूकम्पबाट प्रभावीतहरुलाई तत्कालै उपचार र राहत व्यस्थापनमा एनआरएन अमेरिकाले संस्थागत रुपमा सहयोगी भुमीका निर्वाह गरेको थियो ।
अध्यक्ष डा. पौडेलको नेतृत्वले भूकम्पले तहसनहस बनाएको सिन्धुपाल्चोक, गोरखा, नुवाकोट, धादिङ, रसुवा, काभ्रे र रामेछापमा तत्कालै राहत तथा उद्धारका काम गरेको थियो । सो अवस्थामा आवश्यकता अनुसार स्वास्थ्य शिविर सञ्चालन गर्नुका साथै आवश्यकीय औषधिहरु वितरण गर्ने काम समेत अध्यक्ष डा. पौडलले नेतृत्वको दावी छ ।
अध्यक्ष डा. पौडेलले नेतृत्व गरिरहदा अमेरिकामा रहेका नेपालीहरुबाट सँकलित रु दुई करोड रुपैयाँ भूकम्प प्रभावीतको सहयोगका लागि एनआरएन ग्लोबल च्याप्टरलाई प्रदान गरेको डा. पौडेलले स्मरण गर्नुहुन्छ । उक्त रकमबाट यस अगाबै गोरखा, सिन्धुपाल्चोक, सिन्धुली र धादिङमा भत्केका पाँच वटा विद्यालय पुनर्निर्माण भइसकेका छन् । अझै पनि आवश्यकता अनुसार देशका विभिन्न स्थानमा शिक्षा, स्वास्थ्य र सामाजिक कार्य लागि सहयोगको जारी रहेको डा. पौडेलको दावी छ ।
यसै गरी डा. पौडेल अहिले चितवनको देवघाटको गलेश्वर आश्रम परिसरमा अशक्त वृद्धवृद्धाका लागि सामूहिक आवासको प्रबन्धसहित आश्रम बनाउने आगामी योजना छ । उक्त आश्रमको यस अगाबै शिलन्यास भईसकेको छ ।
एनआरएनएको हालका अध्यक्षदेखि पूर्वअध्यक्ष र संस्थाका सबै अभियानकर्मीसँग निकट सम्बन्ध रहेका डा. पौडेलले एनआरएनएको आसन्न महाधिबेशनलाई लक्षित गरी अमेरिका , युरोप लगायतका विभिन्न मुलुकमा प्रचार प्रसार गरी सक्नुभएको पौडेल हाल नेपालमा प्रचार प्रसारमा सक्रिय हुनुहुन्छ । आफु चुनावी अभियानमा जुटेको र अब छिट्टै नेपालमा औपचारिक रूपमा प्रतिबद्धना सार्वजनिक गर्ने उहाँले जानकारी दिनुभयो ।
पेशागत रुपमा सक्रिय चिकित्सा पेशमा संलग्न डा. पौडेलले चिकित्सक पेशा संग सँगै एनआरएनएको महासचिव पदमा उम्मेदवार वन्ने तयारीले विशेष गरी एनआरएनए अभियाकर्मी माझ चौतर्फी प्रशान्सा हुदै आएको छ ।
आगामी अक्टोबर २३ देखि २५ सम्म हुने एनआरएनए अन्तरराष्ट्रिय परिषद् आइसिसीको सम्मेलनको दौरानमा भर्चुवल मार्फत हुने निर्वाचनमा विभिन्न पदका आकाङ्क्षीले धमाधम उम्मेदवारी घोषणा गरिरहेका छन् । निर्वाचन कार्यक्रममा ६५ मुलकका तीन हजार ६०० प्रतिनिधि भर्चुवल मार्फत सहभागी हुनेछन् ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
