रंजित चौरसिया/वीरगंज ०१ असार ।
ईलाका प्रहरी कार्यालय पोखरियाका घुमुवाहरुले सो क्षेत्रमा आतंक नै मच्चाएको स्थानियहरुले गुनासो गरेका छन् ।
ईलाका प्रहरी कार्यालय पोखरियाले शान्ति सुरक्षाको लागि प्रहरी जवान लालबाबु यादव र सुरेश न्यौपानेलाई घुमुवाको रुपमा परिचालन गरे पनि उनीहरुले सर्वसाधारण स्थानियहरुलाई विभिन्न बहानामा आतंकित पार्ने काम गरेको गुनासो बढन थालेको छ ।
ईलाका प्रहरी कार्यालय पोखरिया अन्र्तगत पर्ने विन्दवासिनी, अमरपटी, प्रसौनी भाठा, धोरे, खेश्राहा, सबैठवा, भिस्वा, बन्जारी, मिर्जापुर, बुढगाई, टिहुकी, आश्वारी, जानकीटोला लगायतका ग्रामिण क्षेत्रमा घुमुवा यादव र न्यौपानेले निषेधाज्ञामा बाहिर किन निस्केको भन्दै डर, धाक धम्की दिनुका साथै अबैध असुलीमा समेत लागेको सबैठवाका स्थानिय रामशंकर साहले गुनासो गर्नु भयो ।
ईलाका अन्र्तगतका सिमानाकाहरुमा पुगी घुमुवा यादव र न्यौपानेले घरायसी कामको लागि भारतबाट सानोतिनो सामान ल्याउनेहरुबाट खुल्लेयाम पैसा माग्ने गरेको प्रत्यक्ष रुपमै हेर्न सकिने भिस्वाका स्थानिय सुरेस पटेलले बताए ।
ग्रामिण क्षेत्रका वासिन्दाहरुले भारतबाट वा वीरगंजबाट घरायसी सामग्री खरिद गरी ल्याउदा समेत घुमुवाहरुले सामाग्रीको परिमाण हेरी रु. १० देखि पाँच सय सम्म लिने गरेका छन् ।
शान्ति सुरक्षाका लागि प्रहरी जवान यादव र न्यौपानेलाई खटाईए पनि उनिहरुलै पुरै संगठनको नामनै बदनाम हुने गरी कार्य गरिरहदा पनि ईप्रका पोखरियाका प्रमुख प्रहरी निरिक्षकलाई जानकारी हुंदा पनि कुनै किसिमको कारवाही नगर्नुले पनि उनिमाथि पनि शंका उपशंका उब्जिन थालेको अचेल चर्चा हुन थालेको छ ।
सुरेश न्यौपाने यस भन्दा अगाडि जिल्ला प्रहरी कार्यालय पर्साको क्राइम शाखामा समेत कार्यत थिए भने यादव संगठनकै उच्च तहका कर्मचारीको आर्शिवाद र राजनीतिक दलको संरक्षण भएकै कारण उनिमाथि कारवाही नहुने गरेको बताईन्छ ।
यस तर्फ पर्सा प्रहरी प्रमुख एवं माथिल्लो निकायका अधिकृतहरुको ध्यान पुग्न जरुरी रहेको स्थानिय समाजसेवी, बुद्धिजिविहरुले आग्रह समेत गरेका छन् ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
