कृष्णानगर, जेष्ठ २९
सशस्त्र प्रहरी बल नेपालले भारतबाट ल्याउँदै गरेको अवस्थामा २५ लाख रुपैयाँ बराबरको यौनवर्धक औषधि नियन्त्रणमा लिएको छ । यौन उत्तेजनाका लागि प्रयोग गरिने उक्त औषधि आज दिउँसो सशस्त्र प्रहरी बल, सीमा सुरक्षा गुल्म कपिलवस्तुले बरामद गरेको हो ।
कृष्णनगर नाका हुदै भारतबाट अवैध रूपमा औषधि ल्याउँदै गरेको सूचना पाएपछि सशस्त्र डिएसपी यज्ञमान साउदको टोलीले सीमा क्षेत्रमा विशेष सावधानी अपनाउँदै गरेको खानतलासीको क्रममा उक्त औषधि फेला परेको बताइन्छ । बेवारिसे अवस्थामा कृष्णनगर १ शिवनगरबाट ३३० थान युरिफिल ईफेक्ट नामक औषधि बरामद गरिएको छ ।
उक्त औषधिको बजारमूल्य २४ लाख ७५ हजार रहेको बुझिएको छ । आवश्यक कारबाहीका लागि कृष्णनगर भन्सार कार्यालय पठाइएको सशस्त्र प्रहरी बल २८ हेडक्वार्टर प्रमुख सशस्त्र प्रहरी उपरीक्षक गोपाल अधिकारीले जानकारी दिए । बरामद उक्त औषधिको नेपालमा बिक्री वितरण अनुमति भए नभएबारे समेत औषधि व्यवस्था विभागसँग जानकारी लिने कार्य भइरहेको बताउँदै थप अनुसन्धान गरिएको कृष्णनगर भन्सार कार्यालयले जनाएको छ ।
नेपालमा औषधि तथा सर्जिकल सामाग्रीको कर बढेसँगै सीमाक्षेत्रबाट चोरी तस्करी तथा अवैध ओसार पसार मौलाएको हो । सम्भावित चोरी तस्करी निरुत्साहन गर्न सीमा क्षेत्रमा नियमित गस्ती तथा कडाई गरिएको दाबी सशस्त्रको छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
