वीरगन्ज ,८ बैशाख ।
रिगल हेटौंडा एन्फा मकवानपुरले पाँचौ परवानीपुर गोल्डकप फुटबल प्रतियोगिताको सेमिफाइनलमा प्रवेश गरेको छ ।
मंगलबार भएको प्रतियोगिताको चौथो दिनको खेलमा रिगल हेटौंडा एन्फा मकवानपुरले ३-० गोल अन्तरले नव जन जागृती युवा क्लबलाई हराउँदै सेमिफाइनलमा प्रवेश गरेको हो ।
परवानीपुर खेल मैदानमा जारी प्रतियोगितामा खेल सुरु भएको समय देखि मकवानपुर बलियो टिमको रूपमा देखापरेको थियो । खेलमा बलियो देखिएको मकवानपुरले लगातार गोल प्रहार गर्दै जित निकालेको थियो ।
आजको खेलमा म्यान अफ दी म्याच रिगल हेटौंडा एन्फा मकवानपुरका खेलाडी निमेष मोक्तान घोषित हुदै २१ सय नगद प्राप्त गरे ।
उनलाई कार्यक्रमका प्रमुख अतिथि समाजसेवी नागमणी उपाध्यायले पुरस्कार प्रदान गरे । भोलिको पहिलो सेमिफाइनलमा आयोजक शक्ति युवा क्लब र वीरगन्ज युनाइटेड क्लब वीरगन्ज भिड्नेछन् ।
प्रतियोगिताका संयोजक संजय मण्डलको अध्यक्षता भएको आजको खेलमा समाजसेवी नागमणी उपाध्यायले उदघाटन गरेका थिए ।
बैशाख १२ सम्म संचालन हुने पाँचौं परवानीपुर गोल्डकपमा भारत एक वटा र नेपालको ७ वटा टिम गरि आठ वटा टिमले सहभागी भएको प्रतियोगिताका सहसंयोजक दीपक यादवले जानकारी दिए ।
राष्ट्रको लागि खेलकूद, स्वास्थ्यको लागि खेलकूद नाराका साथ परवानीपुर गोल्डकप–२०८३ को पाँचौं परवानीपुर गोल्डकप परवानीपुर खेल मैदानमा करिब १७ लाखको लागतमा भइरहेको यादवले बताए ।
प्रतियोगितामा पहिलो पुरस्कार २ लाख, द्वितीय पुरस्कार १ लाख र अन्य विधा जस्तै उत्कृष्ट डिफेन्डर, फरवार्ड, प्रतिदिनका खेलका उत्कृष्ट खेलाडीहरुलाई आर्थिक नगदबाट पुरस्कृत गरिने आयोजक क्लबका अध्यक्ष सुबोध श्रीवास्तले बताए । त्यस्तै खेलभरिका उत्कृष्ट प्रतियोगिताका खेलाडीलाई ५१०० नगद पुरस्कार दिइने अध्यक्ष श्रीवास्तले बताए ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
