बिनोद निगम / नवलपरासी , ८ चैत
पश्चिम नवलपरासीको पाल्हिनन्दन गाउँपालिका–१ सुनरी क्षेत्रमा रहेको सडक वर्षा सुरु भएसँगै झन् जटिल बन्दै गएको छ। सामान्य अवस्थामा समेत खाल्टाखुल्टीले भरिएको उक्त सडक पानी परेपछि साना पोखरीजस्तै देखिन थालेको छ।
स्थानीयका अनुसार सडकमा जमेको पानीका कारण सवारी सञ्चालन गर्न निकै कठिन भएको छ भने मोटरसाइकल तथा साना सवारी दुर्घटनाको जोखिम उल्लेखनीय रूपमा बढेको छ। विशेषगरी रातिको समयमा खाल्डाखुल्डी नदेखिने हुँदा दुर्घटनाको सम्भावना झनै बढ्ने गरेको गुनासो गरिएको छ।
सडकको यस्तो दयनीय अवस्थामा पनि सम्बन्धित वडा अध्यक्ष तथा सरोकारवाला निकायको ध्यान नपुगेको भन्दै स्थानीयवासीले असन्तुष्टि जनाएका छन्। उनीहरूका अनुसार पटक–पटक गुनासो गर्दा पनि मर्मत तथा सुधारका लागि कुनै ठोस पहल भएको छैन।
स्थानीयले तत्काल सडक मर्मत, पानी निकासको उचित व्यवस्था तथा दीर्घकालीन समाधानको माग गरेका छन्। अन्यथा वर्षायामभरि सर्वसाधारणले सास्ती खेप्नुपर्ने र ठूला दुर्घटना हुनसक्ने चिन्ता व्यक्त गरेका छन्।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
