बिनोद निगम / नवलपरासी ,३ फागुन महाशिवरात्रिको पावन अवसरमा छिमेकी राष्ट्र भारतको महाराजगञ्ज जिल्लास्थित प्रसिद्ध इटहिया शिव मन्दिरमा भक्तजनहरूको उल्लेख्य भीड लागेको छ। बिहान सबेरैदेखि जल चढाउन लामबद्ध श्रद्धालुहरूको उपस्थितिले मन्दिर परिसर खचाखच भरिएको थियो। ‘बोल बम’ र ‘हर हर महादेव’का नाराले वातावरण भक्तिमय बनेको देखिन्थ्यो। महाशिवरात्रि हिन्दू धर्मावलम्बीहरूका लागि विशेष आस्था र श्रद्धाको पर्व हो। यस दिन भगवान् शिवको पूजा–अर्चना, जलाभिषेक तथा रुद्राभिषेक गर्ने परम्परा रहिआएको छ। भारतका विभिन्न शिवालयहरूमा जस्तै इटहिया मन्दिरमा पनि दर्शनार्थीहरूको ठूलो घुइँचो लागेको स्थानीय प्रशासनले जनाएको छ। नेपाल–भारतबीचको धार्मिक तथा सांस्कृतिक सम्बन्ध घनिष्ठ रहेकाले सीमावर्ती क्षेत्रका नेपाली भक्तजनहरू पनि महाशिवरात्रिका अवसरमा उक्त मन्दिरमा पुग्ने गरेका छन्। नवलपरासीसहित आसपासका क्षेत्रबाट सयौं श्रद्धालु सीमा पार गर्दै दर्शनका लागि पुगेका थिए। भीड व्यवस्थापनका लागि स्थानीय सुरक्षा निकाय परिचालन गरिएको छ भने मन्दिर क्षेत्रमा स्वयंसेवकहरू सक्रिय रूपमा खटिएका छन्। पत्रकार आशुतोष मिश्रका अनुसार सुरक्षाको पर्याप्त व्यवस्था मिलाइएकाले दर्शन शान्तिपूर्ण रूपमा सम्पन्न भइरहेको छ। महाशिवरात्रि पर्वले दुई देशबीचको धार्मिक सद्भाव र सांस्कृतिक एकतालाई अझ मजबुत बनाएको विश्वास गरिएको
