चितवन, १६ माघ
चितवनको मुग्लिन–नारायणगढ सडकखण्डमा यात्रुबाहक बस पल्टिँदा ३८ जना यात्रु घाइते भएका छन्।
दाङबाट काठमाडौंतर्फ जाँदै गरेको लुम्बिनी प्रदेश ०२–००१ ख ०४६६० नम्बरको नाइट बस आज बिहान करिब ३ः१० बजे ‘घुमाउने’ भन्ने स्थानमा दुर्घटनामा परेको हो।
दुर्घटनापछि प्रहरीले तत्काल उद्धार कार्य गरी घाइतेहरूलाई उपचारका लागि भरतपुर र मुग्लिनका विभिन्न अस्पतालमा पठाएको छ। प्रहरीका अनुसार मौलाकालिका अस्पताल, भरतपुरमा १५ जना, पुरानो मेडिकल कलेजमा १३ जना, नयाँ मेडिकल कलेजमा चार जना तथा जनता केयर अस्पताल, मुग्लिनमा छ जना घाइतेको उपचार भइरहेको छ।
बस दुर्घटनापछि केही समय अवरुद्ध भएको मुग्लिन–नारायणगढ सडकखण्ड हाल सञ्चालनमा आएको प्रहरीले जनाएको छ। दुर्घटनाको कारणबारे थप अनुसन्धान भइरहेको र विस्तृत विवरण आउन बाँकी रहेको प्रहरीले जानकारी दिएको छ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
