बारा, १ माघ
पूर्व प्रहरी महानिरीक्षक (IGP) तथा समुन्नत नेपाल पार्टीका सभापति सर्वेन्द्र खनाल जनतासँग प्रत्यक्ष संवाद गर्दै देशका विभिन्न क्षेत्रमा सक्रिय देखिनु भएको छ। यही क्रममा उहाँ हाल बारा जिल्लाको परवानीपुर गाउँपालिकाका विभिन्न वडाहरूमा जनसम्पर्क तथा भेटघाट कार्यक्रम सञ्चालन गरिरहनु भएको छ।
स्थानीय बासिन्दासँगको प्रत्यक्ष छलफलमा सभापति खनालले मुलुकमा सुशासन, भ्रष्टाचार नियन्त्रण, रोजगारी सिर्जना र समग्र विकास नै आफ्नो पार्टीको मुख्य एजेन्डा रहेको स्पष्ट पार्नुभयो। जनताको वास्तविक समस्या सुन्नु र त्यसको समाधानका लागि राजनीति उत्तरदायी हुनुपर्ने उहाँको भनाइ थियो।
कार्यक्रमका क्रममा स्थानीयवासीहरूले शिक्षा, स्वास्थ्य, कृषि, सिँचाइ र रोजगारीसँग सम्बन्धित समस्या तथा सुझावहरू राखेका थिए। ती गुनासोहरूलाई ध्यानपूर्वक सुन्दै सभापति खनालले जनताको आवाज नीति निर्माणको तहसम्म पुर्याउने प्रतिबद्धता व्यक्त गर्नुभयो।
समुन्नत नेपाल पार्टीले देशभर जनआधारित राजनीति अघि बढाउँदै आफूलाई वैकल्पिक राजनीतिक शक्तिका रूपमा स्थापित गर्ने लक्ष्य लिएको जनाउँदै आएको छ। सोही लक्ष्यअनुरूप यस्ता जनसम्पर्क कार्यक्रमहरूलाई अझ प्रभावकारी बनाउँदै लैजाने पार्टीको धारणा रहेको छ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
