रक्सौल । बढ्दो चिसोका कारण सडकपेटीमा जीवन बिताइरहेका असहाय महिला, पुरुष तथा ज्येष्ठ नागरिकलाई चिसोबाट जोगाउने उद्देश्यले भाजपा नेतृ तथा समाजसेवी पार्वती तिवारीले कम्बल वितरण अभियान सुरु गरेकी छन् । आइतबार राति १० बजेपछि रक्सौलको मुख्य बस स्ट्यान्ड, रेलवे स्टेशन तथा अन्य सार्वजनिक स्थानहरूमा पुगेर तिवारीले कमजोर र निःसहाय व्यक्तिहरूसँग प्रत्यक्ष संवाद गर्दै न्यानो कम्बल वितरण गरिन् । भाजपा जिल्ला महिला मोर्चा रक्सौलकी महासचिव तथा सक्रिय सामाजिक कार्यकर्ताको रूपमा चिनिँदै आएकी पार्वती तिवारीले कम्बल वितरणका क्रममा भनिन्, “गरिब र खाँचोमा परेकाको सेवा गर्नु नै साँचो सेवा हो । समाजका सबै वर्गप्रति संवेदनशील हुनु हाम्रो दायित्व हो ।” उनले बढ्दो चिसोका कारण विशेष गरी वृद्धवृद्धा र असहाय व्यक्तिहरू बढी प्रभावित भएको उल्लेख गर्दै रातको समयमा उनीहरूलाई केही राहत दिन सकिएकोमा सन्तोष व्यक्त गरिन् । कम्बल प्राप्त गर्नेहरूले उनको पहलको खुलेर प्रशंसा गर्दै आशीर्वाद दिएका छन् । स्थानीयवासीहरूका अनुसार यस्ता राहत कार्यक्रमले चिसोबाट राहत मात्र होइन, समाजमा भाइचारा र मानवताको भावना समेत मजबुत बनाउनेछ । अभियानमा पार्वती तिवारीकी आमा हीरा देवी स्वयं उपस्थित भई कम्बल वितरणमा सक्रिय देखिइन् भने भाजपा जिल्ला खेलकुद सेलका संयोजक तथा उनका भाइ आर्यन तिवारी पनि सामाजिक सेवामा सहभागी थिए । यस मानवीय पहललाई सामाजिक सञ्जालमा समेत सकारात्मक प्रतिक्रिया मिलिरहेको छ । धेरैले पार्वती तिवारीको कदमलाई प्रेरणादायी सामाजिक सेवाको उदाहरण भन्दै प्रशंसा गरेका छन् । राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
