लमही (दाङ),२५ मंसिर । डडेल्धुराबाट काठमाडौँतर्फ गइरहेको ना ८ ख ७४५५ नम्बरको यात्रुबस पूर्व–पश्चिम राजमार्गअन्तर्गत लमही नगरपालिका–१, कौडियापुलमा दुर्घटना हुँदा २२ जना यात्री घाइते भएका छन्। बस आज बिहान पुलबाट करीब ३० मिटर तल खोलामा खसेको प्रहरीले जनाएको छ। वडा प्रहरी कार्यालय लमहीका प्रहरी निरीक्षक रोशनराज पाण्डेयका अनुसार बस अचानक नियन्त्रण गुमेर पुलबाट खसेको प्रारम्भिक अनुमान गरिएको छ। ‘‘घाइतेमध्ये केहीको अवस्था मध्यम गम्भीर छ,’’ पाण्डेयले बताए। दुर्घटना भएको केही बेरमै नेपाल प्रहरी, सशस्त्र प्रहरीले, नेपाली सेनाले स्थानीयवासीको सहकार्यमा घाइतेहरूलाई उद्धार गरी तत्काल लमही अस्पताल पुर्याएका थिए। उपचारमा बसेका चिकित्सकहरूका अनुसार आवश्यक भइसकेका केही घाइतेहरूलाई थप उपचारका लागि अन्य अस्पताल लैजाने तयारी भइरहेको छ। घटनाका बखत बसमा ३८ जना सवार थिए। दुर्घटनाको विस्तृत कारण प्रहरीले अनुसन्धान गरिरहेको जनाएको छ। राष्ट्रिय दैनिक राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
