हरदाेई ,२१ कार्तिक
सामान्यतया मानिसलाई सर्पले टोकेको खबर सामान्य मानिन्छ, तर भारतको उत्तर प्रदेशस्थित हरदोई जिल्लाको भडायल गाउँमा एउटा अनौठो घटना भएको छ । यहाँका २८ वर्षीय एक युवकलाई विषालु कोब्राले टोकेपछि ती युवकले रिसको आवेगमा सर्पलाई नै टोकेर मारिदिएका छन् । यस घटनाले अहिले सबैको ध्यान तानेको छ ।
इन्डिया टुडेका प्रशान्त पाठकको रिपोर्टअनुसार पुनीत नामका ती युवक आफ्नो धान खेतमा काम गरिरहेका बेला उनको खुट्टामा एउटा कालो कोब्रा बेरियो । सर्पले उनलाई दुई-तीन पटक टोकेपछि रिसले चुर भएका पुनीतले सर्पलाई खुट्टाबाट छुटाएर दाँतले टोकी फणलाई कुल्चेर मारिदिए ।
सर्प मरेपछि पुनीतले यो कुरा परिवार र गाउँलेलाई बताए । उनलाई तत्काल हरदोई मेडिकल कलेज लगियो जहाँ उनलाई रातभर आपतकालीन वार्डमा भर्ना गरियो । भोलिपल्ट बिहान उनको अवस्था सामान्य भएपछि डाक्टरहरूले डिस्चार्ज गरिदिए
घटनाबारे पुनीतले भनेका छन्, म आफ्नो धान खेतमा गएको थिएँ । त्यहीँ मलाई कालो कोब्रा सर्पले टोकेको थियो। त्यसपछि मैले त्यसलाई समातेर त्यसको मुख नै टोकिदिएँ । टोकेपछि म घर आएँ र जिल्ला अस्पताल गएँ। जिल्ला अस्पतालमा रातभर भर्ना भएँ । त्यसपछि मलाई ठीक भयो र म घर आएँ। अहिले पनि मलाई ठीकै छ । त्यस्तो केही महसुस भइरहेको छैन ।’
उनको उपचारमा संलग्न डा शेर सिंहले भने, ‘रातमा पुनीत हाम्रो आपतकालीन कक्षमा आएका थिए । उनी भन्दै थिए, मलाई कुनै सर्पले टोकेको छ । यद्यपि, उनको अवस्था सामान्य थियो। जसलाई हामीले यहाँ भर्ना गरेर प्राथमिक उपचार गयौँ । उनी भन्दै थिए कि उनले पनि सर्पलाई टोकेका थिए र फोटो पनि देखाइरहेका थिए ।’
डा सिंहले पुनीतको ज्यान पनि जान सक्ने बताए । किनभने कोब्रा सर्पहरू धेरै विषालु हुन्छन् । यद्यपि भाग्यवश पुनीत खतरामुक्त रहे।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
