राष्ट्रिय दैनिक / नवलपरासी ,१८ साउन
पश्चिम नवलपरासीमा एक व्यक्तिले भारतको नागरिकता राखेर नेपालबाट नागरिकता लिएको विषय सार्वजनिक भएको छ।
मदनलाल कलवार नामक व्यक्तिको जन्म भारतको महाराजगन्ज जिल्ला, निचलौन स्थित लक्ष्मीपुर खुर्द (तिलपुर) मा भएको थियो, यस विषयमा संलग्न छन्। उक्त व्यक्तिले २०५५ सालको मितिमा नवलपरासी जिल्लाबाट नेपाली नागरिकता प्राप्त गरेका थिए।
नवलपरासी जिल्ला प्रशासन कार्यालयमा बुझाइएको निवेदनमा, स्थानीय नागरिक जगरानी यादवले यस विषयमा खुलासा गर्दै, मदनलाल कलवारले नेपालबाट नागरिकता प्राप्त गर्नका लागि झुट्टा बिबरण पेश गरेको बताइएकाे छ। यस निवेदनसँगै यादवले उक्त व्यक्तिको भारतका विभिन्न कागजातहरूको प्रमाण प्रस्तुत गरेकी छिन्, जसमा घरजग्गा करको तिर्ने प्रमाण, रासन कार्ड र भारत निर्वाचन आयोगबाट जारी मतदाता नामावलीका कागजातहरू समावेश छन्।
निवेदन सहित मदनलाल कलवारको दोहोरो नागरिकता प्रकरणलाई छानबिन गर्न र कारबाहीको लागि आवश्यक प्रमाण प्रस्तुत गरिएको छ। यो विषयको अनुसन्धान गरेर कानूनी प्रक्रिया पूरा गर्नुपर्ने बताइएको छ।
द्वि-नागरिकता नीति अन्तर्गत नेपालमा दोहोरो नागरिकता राख्नु कानूनी उल्लङ्घन हो। यस घटनाले समग्रमा नेपालको नागरिकता प्रणालीको निरीक्षण र सुधारको आवश्यकता उठाएको छ। यस प्रकरणमा अझै अनुसन्धान र कानूनी कारबाही जारी रहने देखिन्छ।
मदनलाल कलवार जसको जन्म स्थान भारत हो र साबिक भुजहवा गाविस ४ भुजहवाबाट नागरिकता बनाइएको कलवार सरावल गाउँपालिका वडा नं. ७ मा बसोबास गर्दै आएका छन् । उनीमात्र हाेइन उनकाे परिवार समेतकाे दाेहाेराे नागरिकता रहेको छ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
