राष्ट्रिय दैनिक / नवलपरासी ,१ साउन
नेपाली कांग्रेसका लुम्बिनी प्रदेश सदस्य विष्णु प्रसाद पोखेललाई २०७९ सालको प्रतिनिधि सभा र प्रदेश सभा सदस्य निर्वाचनमा पार्टीको आधिकारिक उम्मेदवारको विरुद्ध अन्तर्घात गरेको आरोप लागेको छ।
रुपन्देही जिल्ला प्रतिनिधि सभा निर्वाचन क्षेत्र नं. ५ का क्षेत्रीय सभापति वसीउल्लाह मुसलमानले उक्त आरोप केन्द्रीय अनुशासन समितिमा उजुरी दिएका छन्।
केन्द्रीय अनुशासन समितिको समक्ष प्रस्तुत गरिएको उजुरीमा भनिएको छ , पोखेलले चुनावमा पार्टीको उम्मेदवारलाई असहयोग गर्दै अन्तर्घातको कार्य गरेका छन्। यस विषयमा नेपाली कांग्रेसका केन्द्रीय नेतृत्वले पोखेललाई ७ दिनको समय सीमा भित्र स्पष्टिकरण पेश गर्न निर्देशन दिएको छ।
पत्रमा भनिएको छ , यदि पोखेलले समय सीमाभित्र आफ्नो स्थिति स्पष्ट नगरे भने पार्टीको आन्तरिक विधान अनुसार आवश्यक प्रक्रिया अघि बढाइनेछ। यसले पार्टीभित्रका आन्तरिक विवादलाई झल्काउँदै, आगामी दिनमा पार्टीको अनुशासनमा गम्भीर असर पार्न सक्ने सम्भावना रहेको विश्लेषकहरूले बताएका छन्।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
