राष्ट्रिय दैनिक / नवलपरासी |३० असार।
पश्चिम नवलपरासीस्थित पाल्हीनन्दन गाउँपालिकाका प्रमुख प्रशासकीय अधिकृत रंजीत यादव घुस लिएको आरोपसँगै फरार भएका छन्। सेवाग्राहीहरूका अनुसार यादवले भुक्तानी प्रक्रियामा १५ प्रतिशत कमिसन अनिवार्य बनाएर मात्र काम अघि बढाउने गरेका थिए।
गाउँपालिकामा यादवले आफ्नो कार्यभार सम्हालेपछि केही समय सेवाग्राहीहरूमा आशा जागेको थियो। तर त्यो अपेक्षा छोटो समयमै निराशामा परिणत भयो। सेवा प्रवाहका क्रममा उनले घुस लिने प्रथा सुरु गरे र जसले कमिसन बुझायो, उसकै मात्रै काम अघि बढाइयो भने बाँकीको काम रोकिएको बताइएको छ।
स्थानीय स्रोतका अनुसार आर्थिक वर्ष २०८१/०८२ को आषाढ २४ र २५ गते गाउँपालिकामा औपचारिक उपस्थित भए पनि यादवले कार्यालयको नियमित प्रक्रिया पालना नगरी सीमित कर्मचारीमार्फत गोप्यरुपमा घुस असुली गर्न थाले। उनले दुई दिनमै लाखौं रुपैयाँ घुस संकलन गरेको र त्यसपछि सम्पर्कविहीन बनेको बताइएको छ।
पूर्व प्रमुख प्रशासकीय अधिकृत बृज किशोर प्रसादको सरुवापछि आएका यादवको यस किसिमको गतिविधिले पालिकामा अस्थिरता ल्याएको छ। सेवाग्राहीहरू अहिले आफू ठगिएको भन्दै आक्रोशित छन् र घटनाको छानबिनको माग गरेका छन्। अहिले करौडौं भन्दा बढीको भुक्तानी राेकिएकाे छ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
