राष्ट्रिय दैनिक / नवलपरासी ,२७ असार
नेपाली कांग्रेसले लुम्बिनी प्रदेशका महामन्त्री विक्रम खनाललाई पार्टी अनुशासन उल्लंघन गरेको आरोपमा एक वर्षका लागि कारबाही गरेको विरोधमा उनका समर्थकहरूले नवलपरासीको परासीमा शुक्रबार व्यापक विरोध प्रदर्शन गरेका छन्।
कांग्रेस केन्द्रीय अनुशासन समितिले प्रदेशसभा तथा प्रतिनिधिसभामा पार्टीको आधिकारिक उम्मेदवारलाई असहयोग गरेको भन्दै खनालमाथि कारबाही गर्ने निर्णय गरेको थियो। समितिको यो निर्णयले खनालका समर्थकहरूमा असन्तुष्टि फैलिएको छ र उनीहरूले पार्टीको निर्णयलाई अन्यायपूर्ण तथा एकपक्षीय भएको भन्दै सडक प्रदर्शन गरेका छन्।
विरोध प्रदर्शनमा सहभागीहरूले कांग्रेस नेतृत्वलाई आफ्नो निर्णय पुनर्विचार गर्न दबाब दिएका छन्। खनाल समर्थकहरूले पार्टी एकतामा विषम परिस्थिति सिर्जना भएको भन्दै सम्वाद र सहमतिको माध्यमबाट विवाद समाधान गर्नुपर्नेमा जोड दिएका छन्।
खनाललाई अनुशासन आयोगले कारबाही गरेपछि त्यसको प्रतिक्रिया स्वरूप जिल्ला समितिले संस्थापन पक्षका नेता देवेन्द्रराज कँडेललाई कारबाही गरेको हो । कँडेल पूर्वगृह राज्यमन्त्री समेत हुन् ।
यो घटनाले नवलपरासी कांग्रेसमा आन्तरिक विवाद र विवादास्पद कारबाहीका विषयमा गहिरो चासो र बहसलाई जन्म दिएको छ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
