अनिल बनिया विनोद/ नवलपरासी ,१४ जेठ
पश्चिम नवलपरासीको सुनवल नगरपालिका वार्ड नम्बर १२ स्थित भुमही खोलाबाट आशिष – क्षमादेवी – बुद्व हिमाली जे.भी.ले नदीजन्य पदार्थको ढुवानी कार्यमा प्रयोग गरेको लु २ ख ३८६० नं. को टिप्परलाई गएको ९ गते बुधबार तोकिएको स्थान भन्दा अन्यन्त्र नदीजन्य पदार्थ (ढुंगा) लैजादै गरेको अवस्थामा फेला पारी नियन्त्रणमा लिइएको थियो ।
नियन्त्रणमा लिइएका उक्त सवारी साधनका धनी/प्रतिनिधि सुनवल नगरपालिका वार्ड.१ का निवासी श्री बसन्त बहादुर यादवलाई नगरपालिकाले नियमित र थप जरिवाना बापत रू. दुई लाख (रू. २,००,०००/-) जरिवाना गरी उक्त सवारी सोही सवारी धनीको जिम्मामा छाडिएको सुनवल नगरपालिकाले बताएको छ ।
पुनश्च नदीजन्य पदार्थको चोरी कार्यमा संलग्नहरूको थप अनुसन्धान कार्य जारी रहेको जिल्ला प्रशासन कार्यालय नवलपरासीले जानकारी दिएको छ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
