बिहान छिटो उठ्नु मानसिक र शारीरिक स्वास्थ्य दुवैका लागि गुरुमन्त्र बराबर हो । त्यसो भए बिहान चाँडै उठ्नेबित्तिकै के गर्ने त ? यो कुरामा भने अन्यौल हुनसक्छ । बिहान उठ्नेबित्तिकै काममा जोतिन थाल्ने हो भने यसले थकान बढाएर दिन बिताउनै कष्टकर हुने र अनेकथरी रोग पनि निम्त्याउन सक्छ । त्यसैले बिहान चाँडै उठेर के कसरी कामको सुरुवात गर्ने त ?
– दिनको राम्रो शुरुआतका लागि बिहान उठ्नेबित्तिकै पहिला सादा पानीले मुख धुने र दाँत माझ्ने काम उपयुक्त हुन्छ ।
– बिहान उठेपछि खाली पेटमा पानी पिउँदा शरीरका सबै विषाक्त पदार्थ र फोहरहरू निस्कने हुँदा यसले अनेक रोगहरुबाट बचाउनुको साथै छाला पनि सफा राख्छ । बिहान पानी पिउँदा दिनभरि ताजा अनुभव हुन्छ । दिनभरि पनि समय समयमा पानी पिउने गर्नुपर्छ ।
– मर्निङ वाकले शारीरिक तथा मानसिक स्वास्थ्यलाई राम्रो बनाउँछ । मांसपेशी बलियो बनाउने हुँदा मानिस तन्दुरुस्त हुन्छ । बिहान उठेर व्यायाम गर्ने, हल्का दौडिने वा साइकल चलाउने गर्दा हृदयघात र अल्जाइमर जस्ता गम्भीर रोग लाग्नबाट बचाउनुको साथै शरीरको इम्युनिटी पनि बलियो हुन्छ ।
– बिहानै घाम लाग्नु अघि योग गर्दा मांसपेशीको राम्रो व्यायाम हुनुको साथै यसले तनाव पनि हटाउँछ । योगले पाचन शक्तिलाई पनि मजबुत बनाउँछ । योग गर्नुअघि भने हल्का दौडनु ठीक हुन्छ ।
– बिहानको सबै नित्यकर्म सकेपछि भने पौष्टिक आहारयुक्त ब्रेकफास्ट खानुपर्छ । ब्रेकफास्टले मानिसलाई दिनभरि फुर्तिलो बनाउँछ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
