यदि तपाइँ चिकन, मटन जस्ता मांसाहारी खाना खान मन पराउनुहुन्छ भने, यो खबर तपाइँको लागि धेरै उपयोगी छ। यसमा कुनै शङ्का छैन कि मासु प्रोटिनको उत्कृष्ट स्रोत हो, जसले हड्डीलाई मात्र बलियो बनाउँदैन यसमा पाइने आइरन, जिंक, भिटामिन र आवश्यक फ्याटी एसिडले शरीरलाई थुप्रै खालका फाइदा दिन्छ । मासु स्वास्थ्यका लागि धेरै किसिमले फाइदाजनक हुन्छ।
तर, यदि तपाई पनि दैनिक मासु खाने मानिसहरु मध्ये हुनुहुन्छ भने आजैबाट आफ्नो बानी बदल्नुहोस् । नत्र तपाई मुटु रोग, मधुमेह र निमोनिया जस्ता नाै खतरनाक रोगहरुको सिकार हुन सक्नुहुन्छ ।
अक्सफोर्ड युनिभर्सिटीको बीएमसी मेडिसिन जर्नलमा प्रकाशित एक अध्ययनले रातो मासु, प्रशोधित मासु र कुखुराको मासु खाँदा ९ विभिन्न प्रकारका रोग लाग्ने जोखिम देखाएको छ । रातो मासु र प्रशोधित मासुको अत्याधिक उपभोगले आन्द्राको क्यान्सरको जोखिम बढाउँछ भन्ने कुरा यसअघिका धेरै अध्ययन र अनुसन्धानमा प्रमाणित भइसकेको छ ।
तर यस अध्ययनले पहिलो पटक क्यान्सरसँगै अन्य राेग पनि हुने खुलासा गरेको हाे, जसका कारण अधिकांश मानिस अस्पताल भर्ना हुने गरेका छन् ।
धेरै रातो मासु र प्रशोधित मासु खानु स्वास्थ्यको लागि हानिकारक
अन्वेषकहरूको यो अनुसन्धानसँगै विश्व स्वास्थ्य संगठन (डब्लुएचओ)ले पनि धेरै पटक मासु, विशेषगरी रातो मासु र प्रशोधित मासुको सेवनले स्वास्थ्यमा गम्भीर हानी पुर्याउने बताएको छ । यस अध्ययनमा बेलायतका ४ लाख ७५ हजार मध्यम उमेरका व्यक्तिलाई समावेश गरिएको थियो । यस अवधिमा, अनुसन्धानकर्ताहरूले यी व्यक्तिहरूको आहारको साथसाथै मेडिकल रेकर्ड र अस्पतालमा भर्ना र मृत्युको डेटाको जाँच गरे।
यो अध्ययन ८ वर्षसम्म चलेकाे थियाे । अध्ययनले औसतमा हप्तामा ३ दिन वा त्योभन्दा बढी मासु खाने सहभागीको स्वास्थ्य कम मासु खानेभन्दा खराब हुने देखाएको छ ।
प्रशोधन नगरिएको रातो मासु र बढी प्रशोधित मासु खाने मानिसहरूमा हृदय रोग, निमोनिया, डाइभर्टिकुलर रोग, कोलोन पोलिप्स र मधुमेहको उच्च जोखिम रहेकाे पाइएकाे छ । जबकि धेरै कुखुराको मासु खाने मानिसहरूमा ग्यास्ट्रो-एसोफेजियल रिफ्लक्स रोग, ग्यास्ट्राइटिस, डुओडेनाइटिस, डाइभर्टिकुलर रोग, पित्त थैली रोग र मधुमेहको उच्च जोखिम थियो।
प्रतिदिन ७० ग्राम प्रशोधित रातो मासु र प्रशोधित मासु खानेहरूमा मुटु रोगको जोखिम १५ प्रतिशत र मधुमेहको जोखिम ३० प्रतिशत बढी पाइएकाे छ । एजेन्सीबाट
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
