नवलपरासी,४ फागुन
जिल्लाको वर्दघाट नगरपालिकाले कंचनगढी क्षेत्रलाई पर्यटकिय क्षेत्रको रुपमा विकास गर्नका लागि ठूलो लगानी गरि पुर्वाधार निर्माणमा लागेको छ । वर्दघाट नगरपालिका ५ स्थित कंचनगढी नगरपालिकालाई पर्यटन क्षेत्रको रुपमा विकास गर्नका लागि लगानी गरे पछि अहिले विभिन्न पुर्वाधारहरु निर्माणाधिन रहेको नगरपालिकाले जानकारी गराएको हो ।
पर्यटन पुर्वाधार र पर्यटकिय क्षेत्र विकासका लागि रु.४ करोड ५६ लाख बराबरको विस्तृत परियोजना प्रतिवेदन(डिपिआर) बनाई निर्माण कार्य भई रहेको नगरपालिकाका इन्जिनियर किसोर चौधरीले जानकारी गराए । उनका अनुसार करिब ४ विघा क्षेत्रफलमा फैलिएको उतm स्थानमा कम्पाउण्डवाल सहित पिकनिक सेड, विभिन्न शिवलिगँ र १२ फिट अग्लो शिवको मुर्ति निर्माण गर्ने गरि कार्य भईरहेको छ ।
पार्क क्षेत्रलाई खोला कटानबाट जोगाउनका लागि नदी नियन्त्रणका कार्य समेत भई रहेको छ,उनले भने,पार्क नजिकै सवारी पार्किगँका स्थान निर्माण गरि पुर्वाधारका कार्य भई रहेको छ । यसले वर्दघाट नगरक्षेत्रमा एक थप पर्यटकिय स्थल बन्नेमा नगरपालिका विश्वास लिएको छ । पालडाडा सुखवानी नजिकै रहेको उतm पार्कमा हुने कार्यले स्थानियबासी समेत उत्साही भएको नगरप्रमुख धिरज बस्यालले जानकारी गराएका थिए । सो क्षेत्रमा निर्माण कार्य प्राकृतिक थापा जेभिले निर्माण गर्दै आएको छ ।
राष्ट्रिय दैनिक एक लोकप्रिय नेपाली समाचार पोर्टल हो। हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।
